(L)audizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Bulgarie Cumanieque Rex omnibus Christi fidelibus tam presentibus quam futuris presens scriptum intuentibus salutem in omnium saluatore. Ad decorem pertinere dignoseitur excelse Maiestatis, ut speciales speciali gracia prosequatur et fauore, quorum ex parte probitas et uirtutis constancia claruit in prosperis et aduersis luce clarius et refulsit. Proinde ad vniuersorum noticiam harum serie volumus peruenire, quod Gregorius filius Magistri Emirici de genere Osl dilectus et fidelis paruulus noster accedens ad nostram presenciam quandam terram Byka uocatam sine heredibus decedencium, a parte Tartarorum uacuant et habitatoribus destitutam, et in faciem eiusdem terre ecclesiam in honore Beati Nicolai confessoris constructam in Comitatu Jauriensi existentem, humiliter et instanter petiuit a nobis sibi dari. Nos siquidem, qui ex susscepti regiminis nostri officio cunctorum fidelium nostrorum meritorijs seruicijs et gratuitis obsequijs de Regie benignitatis magnificencia occurrere et respondere tenemur pio remedio congruo et effectu; illos potissimum debemus remuneracionis antidoto extollere, quos et sanguinis insignit nobilitas, et intemerate fidelitatis commendat sinceritas seu effectus. Ex ipsius itaque seruicijs Gregorij, dilecti et fidelis nostri, aliquos ex suis actibus, et si non omnes, fidelibus famulatibus, quedam pauca per presentes duximus declaranda. Specialiter autem tunc, cum sub castro Perystien fuissemus, cum omni exercitu Regni nostri super infideles nostros filios Henrici Bani, videlicet Johannem et Nicolaum, Gregorius cum proximis suis, Herberdo filio Her bordi, et Andrea filio Petri, pro nobis et Regno nostro per eosdem infideles nostros extiterunt captiuati, et idem Gregorius de eadem captiuitate cum ducentis marcis - - - - exceptis possessionum suarum spolijs et dissipacionibus. Sic igitur ipsius seruicijs recensitis, ut alij huiusmodi exemplo ad fidelitatis opera facilius accendantur; qui idem Gregorius maiori remuneracione et laudum preconijs per nos esset attollendus, licet pro minimo habeantur: tamen in recompensacionem ipsius seruicij, et dampnorum suorum pro nobis perpessorum, eandem terram Byka nuncupatam, iuxta Mezeuraba adiacentem, a parte meridionali Moruchyda uicinatur, et a parte septemtrionali similiter uicinantur nobilos de Bobwsd et Musunienses, cum omnibus utilitatibus et pertinencijs vniuersis, de consensu et beneplacito omnium Prelatorum, Archiepiscoporum, Episcoporum et Barronum nostrorum, dedimus, donauimus et contulimus ipsi Gregorio, et per eum suis heredibus, heredumque suorum successoribus iure perpetuo et inreuocabiliter tenendam pacificc pariter et habendam in eisdem metis antiquis et terminis, quibus dicta terra per priores possessores extitit limitata et possessa. Vt igitur huius nostre donacionis seu collacionis series robur obtineat perpetue firmitatis, nec processu temporum ualeat per quempiam in irritum reuocari, seu aliquatenus retractari; presentes concessimus litteras dupplicis sigilli nostri munimine roboratas. Datum per manus discreti viri Magistri Theodori Albensis Ecclesie Prepositi aule nostre ViceCancellarij dilecti et fidelis nostri, anno Domini millesimo ducentesimo octuagesimo septimo.
(Eredetie bőrhártyán, melyről a rózsaszinű selyemzsinóron függött pecsét elveszett; a budai kir. kamarai levéltárban.)