371. IV. László királynak Palugya helységet tárgyazó adománya Liptóvidéki Ipoth és Leusztách számára. 1285.

Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presens scriptum inspecturis salutem in vero salutis largitore. Ad vniuersorum tam presencium quam futurorum noticiam harum serie litterarum volumus perueuire, quod accedentes ad presenciam Nostre Maiestatis Ipoth filius Bachlor, et Leustachuis filius Aladarij de Lyptow, propositis nobis ipsorum fidelitatibus et seruicijs meritorijs que nobis indefesse inpenderuut, et specialiter in deferendis legacionibns nostris in Poloniam et Ruteniam, terram ad duo aratra sufficientem de terra Pallugya excisam iuxta fluuium Lybula circa metas filiorum Bogomeri adiacentem Regie collacioni pertinentem sibi dari et conferri perpetuo postularunt; hocque iuxta approbatam Regni consuetudinem fidelibus nostris Preposito et Conuentui de Turoch litteris nostris mediantibus dedimus in mandatis, vt mitterent hominem ipsorum pro testimonio fidedignum, coram quo Petrus Chakan vel Damianus filius Podnan altero ipsorum absente homo noster ipsam terram ad aratra duo sufficientem, vna cum siluis et fenetis ad eaudem terram sufficientibus, coram commetaneis et vicinis a predicta villa separando, erectis metis predictis Ipoch et Leustachio statuerent, si non fuerit contradictum, condradictores vero, si qui fierent, ad nostram euocarent Presenciam ad terminum competentem. Qui quidem Prepositus et Conuentus de Turoch nobis rescripsit, quod ipsam terram predictus Petrus filius Chakan homo noster vna cum homine ipsorum, presentibus commetaneis et vicinis reambulando, contradiccionibus non obstantibus, predictis Ipoch et Leustachio sub metis et terminis infrascriptis statuissent. Nos itaque qui debemus Regia liberalitate metiri merita singulorum, et vnicuique iuxta, exigenciam suorum meritorum Regalibus occurere donatiuis; consideratis fidelitatibus et seruiciorum meritis predictorum Ipoch et Leustachij, que nobis inpenderunt, et inpendere cupiunt in futurum, predictam terram dictis Ipoch et Leustachio de consilio Prelatorum et Baronum nostrorum et consensu dedimus, donauimus et contulimus perpetuo possidendam heredum per heredes. Cuius quidem terre mete hoc ordine distinguntur Prima meta incipit super fluuium Lybola in Mogochmoris (?) supra locum molendini Forcasij a parte septemtrionali; deinde vadit superius directe ad orientem ad vnam vallem, vbi est vnus putens seu fons; deinde vadit per vnum montem vlterius, et peruenit ad vnum puteum; deinde vadit directe ad orientem, et cadit in fluuium Jelapotok dictum; deinde per ipsum Jelapotok vadit versus meridiem vsque ad caput eiusdem; deinde tendit ad occidentem superius iuxta metas Bogomeri ad vnum puteum seu fontem; deinde tendit ad vnam arborem cheer wlgariter dictam; inde descendit infra ad vnum paruum riuulum wlgariter potok dictum, qui riuulus cadit in fluuium Lybule; et per eundem fluuium Lybule tendit ad priorem metam, et ibi terminatur. Datum in Liptow die festi Beati Michaelis Archangeli anno Domini millesimo ducentesimo octogesimo quinto.

(A turóczi konventnek 1296-ki átiratából, mint alább.)