Anno Domini millesimo ducentesimo octuagesimo quarto XII. indiccione die XVIII. intrante Aprili; venerabilis pater dominus fiater Bonaventura Ordinis Minurum, mise ratione Diuina Archiepiscopus Ragusinus, in presencia Capituli Ragusini congregati ad sonitunt campane, ut moris est, in sala Archiepiscopali precepit Subdiacono Johanni de Prodanello pro primo, secundo, et tercio peremptorio et sub excommunicationis pena, quam incurrat ipso facto contrarium faciendo: ut usque ad diem Jovis proxime venturum satisfaciat eidem domino Archiepcstopo plenarie sine aliqua excusacione de centum iperperis, sicut in sentencia lata per eumdem plenarie continetur, currente anno, mense, et indiccione predictis, scilicet de pignoribus valentibus ad quantitatem quinquaginta iperperorum, et de aliis quinquaginta de fidejussoribus idoneis, alioquin contra eundem procedetur sua penitus inobendiencia non obstante. Actum fuit hoc in Archiepiscopali palacio, presente Capitulo Ragusino, nec non domino Archiepiscopo pro tribunali sedeute.
Et ego Antonius de Carletis Civis Parmentis, et predicti domini Archiepiscopi Juratus Officialis, Imperialis Aule Publicus auctoritate Notarius his omnibus interfui rogatus, et de mandato eiusdem domini seripsi et roboravi.
Anno Domini et indiccione predictis comparuit coram eodem venerabili patre domino fratre Bonaventura, miseracione Diuina Archiepiscopo Ragusino, Johannes de Prodanello in termino eidem assiguato petens misericordiam et veniam domino supradicto, Ragusino Capitulo congregato ad sonum campane, ut moris est, in Archiepiscopali palacio, volens supradictus dominus Archiepiscopus procedere contra eum, sicut postulat ordo juris; supradictus Johannes diffidens de jure suo dixit, quod ponebat se in manibus domini Archiepiscopi antedicti, et quod ipse faceret de eo alte et basse, quidquid sibi placeret, absque juris ordine. Et tunc in presencia tatius Capituli supradictus dominus Archiepiscopus recepit ab ipso iuramentum de parendo mandatis Ecclesie; et ipse tactis Sanctis Euangeliis juravit parere, et obedire in omnibus et per omnia mandatis Ecclesie, et domini supradicti. Insuper recepto ab ipso juramento precepit eidem Johanni sub debito juramento pro primo, secundo et tercio peremptorio, ut usque ad diem Sabbathi proxime vonturum per totam diem compareret coram eo, et satisfaciat eidem de centum iperperis, videlicet de quinquaginta in bonis pignoribus, et de aliis quinquaginta in fidejussoribus idoneis. Qui Subdiaconus Johannes speto domini Archiepiscopi precepto et proprio juramento, in sue anime non modicum detrimentum in profixo termino mandatis non obedivit, sed pocius renuit, et contempsit. Actum fuit hoc in sala Archiepiscopali presente Capitulo supradicto.
Et ego Antonius de Carletis, Civis Parmensis, et predicti domini Archiepiscopi Juratus Officialis, Imperialis Aule Publicus auctoritate Notarius iis omnibus interfui rogatus, et de mandato ejusdem domini scripsi et robravi.
Anno Domini millesimo ducentesimo octuagesimo quarto XII. indictione die Martis XVII: intrante Octrobri in presencia nobilium virorum domini Michaelis Mauroceni nunc Comitis Ragusii, domini Marini et Nicolai suorum Militum domini Antonii de Gaioppa Clerici, Vitalis Bodacii, domini Clementis de Gangulo, domini Ursacii de Gleda Canonicorum Ragusinorum; domini Pasce Valcasii, domini Junii dee Crosco, domini Luccari de Fuscho, domini Grubesse de Ranana, Ursacii de Corena, Palme de Binzolla, Laurencii de Mence; Marini de Pesagna, Zerzii Savini Bondi, Paschali Marinelli, Nicole de Cortello, et aliorum multorum clericorum et laicorum in sala Archiepiscopali. Cum venerabilis pater dominus frater Bonaveutura, miseracione Divina Archiepiscopus Ragusinus, citari fecisset pro primo, secundo et tercio peremptorio per presbyterum Pascam Sacristam majoris Ecclesie Ragusiue, Subdiaconum Johannem de Prodanello, ut compareret coram eo ad audiendam sentenciam, quam volebat ferre contra ipsum; tandem comparuit in presencia supradictorum omnium; et antequam predictus dominus Archiepiscopus procederet ad sentenciam, predictus Johannes cepit petere veniam et misericordiam dicens, quod nulla racione predicto domino dare poterat pignora quinquaginta iperperorum, in quibus condemnatus fuit per eundem dominum Archiepiscopum, nec etiam fidejussores de aliis quinquaginta, in quibus per eundem fuerat condemnatus. Tunc predictus dominus Archiepiscopus inclinatus precibus domini Comitis, et aliorum laicorum, et clericorum, qui presentes erant, obtulit eidem Johanni tale juramentum, videlicet quod si dominus Johannes vellet jurare ad Sancta Dei Evangelia in presencia omnium; qui aderant, quod nulla racione habebat pignora predicta, nec habere poterat; quod ipse commutaret sibi predictam condemnacionem quinquaginta iperperorum in aliam penitenciam condignam. Quam oblacionem juramenti acceptavit in pesencia omnium supradictorum Johannes supradictus, et statim tactis Sacrosanctis Evangeliis juravit ad Sancta Dei Evangelia, quod nec habebat pignora memorata, nec aliqua racione habere poterat. Tunc dominus Archiepiscopus recepit ab eo fidejussorem dominum Petrum de Scillo Canonicum Ragusinum de quinquaginta iperperis, et de aliis quinquaginta absoluebat eum de suscepto eo juramento de parendo mandatis dicti domini Archiepiscopi. Inter alia precepit sibi sub debito prestiti juramenti, quod penitenciam, quam sibi imponet loco predicte condemnacionis quinquagiuta iperperorum, perficiet, et execucioni mandabit, dummodo possibilia eidem precipiat. Actum fuit hoc in sala Archiepiscapali presentibus supradictis.
Et ego Antonius de Carletis, Civis Parmensis, et predicti domini Archiepiscopi Juratus Officialis, Imperialis Aule Publicus auctoritate Notarius his omnibus interfui rogatus, et de mandato ejusdem Domini scripsi et roboravi.
(Farlati, Illyricum Sacrum VI. köt. 116. l.)