346. IV. László király biztosítja a zágrábi püspököt a székes temploma előtti szabad térnek teljes birtokában. 1284.

Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus tam presentibus quam futuris salutem in vero salutari. Ad universorum noticiam harum serie volumus peruenire, quod cum fundus existens ante ecclesiam Sancti Regis Catedralem, in quo Bani Sclauonie aliquando ex permissione Episcopi Zagrabiensis domos et descensum habere consveverant, fuerit et sit ipsius Ecclesie Zagrabiensis pleno iure proprietatis a fundacione Ecclesie antedicte, et hoc Nostre Maiestati constitit plena fide. Nos ex debito Regie Celsitudinis officio, nolentes ipsam Ecclesiam Zagrabiensem in Divino toltu, vel aliquibus suis iuribus seu facultatibus in aliquo diminui, ymo velimus pocius ex Regia munificencia augmen(tari); [supradictum] fundum plene et integre ad iustam peticionem venerabilis patris Thymotey, Dei gracia Episcopi Zagrabiensis, dilecti et fidelis nostri, [sibi] restituendum duximus et irrevocabiliter possidendum ita, quod idem Episcopus Zagrabiensis possit et debeat ipsum fundum seu locum munirc - - - - - pro fratribus Ecclesie sue, ne propter vacuitatem ipsius curie vel fundi, cum desolatus et vacuus remanserit a decem annis et citra, Teotonicis vel aliis inimicis seu nocere volentibus per ipsum loco Zagrabiensi aditus pateat ad nocendum. Volentes nichilominus et firmiter precipientes, quatenus nullus Banus pro tempore constitutus, dictum Episcopum Zagrabiensem vel eius Capitulum racione prescripti fundi molestet, vel presumat in aliquo perturbare, si Regiam voluerit effugere ulcionem. In cuius rei memoriam et perpetuam firmitatem presentes (con)cessimus litteras duplicis sigilli nostri munimine roboratas. Datum per manus venerabilis patris Thome, Dei gracia Episcopi Waciensis, Aule nostre Cancellarii, dilecti et fidelis nostri anno Domini MCC. octuagesimo quarto, septimo idus Junii, Regni autem nostri anno duodecimo.

(Tkalcsics, Monum. historica Episc. Zagrabiensis I. köt. 211. l.)