309. A nyitrai káptalannak bizonyságlevele, hogy Hunt Paznan nemzetségbeli Wukken comes Maichik nevű birtokát Elefánti Endre comesnek eladta. 1282.

Vniuersis Christi fidelibus quibus presentes patuerint Nitriensis Ecclesie Capitulum salutem in Domino sempiternam. Significamus vobis, quod vir nobilis Comes Wukken filius Comitis Wukken de genere Hunt Paznan ab vna parte; Comes Andreas nobilis de Elefant ex altera, coram nobis personaliter constituti, idem Comes Wuken proposuit asserendo, quod cum quandam possessionem suam iure hereditatis possessam Maichik vocatam iuxte fluuium Dudwagh adiacentem propter quosdam articulos necessitatis sue eidem Comiti Andree pro ducentis marcis fini argenti pignori obligasset, et se vndique prospiciendo ac considerando circumspexisset, vt ei facultas rerum propter grauamina ipsa super dictam possessionem impignoratam redimeudi non superesset; centum marcus similiter fini argenti insuper ab eodem Comite Andree dixit se plenarie recepisse, prenotato Comiti Andree, et per eum suis heredibus heredumque successoribus cum omnibus vtilitatibus, pertinencijs ac circumstancijs eiusdem possessionis pro iam dictis trecentis marcis fini argenti reliquisset et vendidisset iure perpetuo possidendam. Tali nichilominus condicione interserta; quod si processu temporum eadem possessio per quempiam niteretur reuocari, antefatus Comes Wukken et sui heredes eundem Comitem Andream et suos successores proprijs laboribus et expensis tam cum ipsa hereditaria possessione sua equiualenti et consimili possessioni vendite per eum, quam et cum alijs suis rebus proprijs defendere et expedire modis omnibus teneatur, ipsam possessionem et ius perpetuum (így) eiusdem Comitis Andree et suorum heredum pacifice semper et inviolabiliter permanente, vt pote se multocies dictus Comes Wukken dixit in presencia personaliter ad hoc obligatum. Cuius quidem possessionis, prout partes retulerunt, mete hoc ordine distinguntur: Quod prima meta incipit circa fluuium quendam Parna vocatum, vbi sunt duc mete terree, et cadit ibidem in ipsum fluuium Parna; in quo quidem fluuio currit versus orientem, et cadit in fluuium Dudwagh; in quo fluuio currit per modicum spacium, et peruenit ad locum qui dicitur Kumolenhel, vbi transit ipsum fluuium versus orientem, vbi sunt duc mete terree, quarum vna separat a terra Neek ad eundem fluuium versus meridiem, et peruenit ad vnum stagnum tow vocatum; quod transeundo vadit ad arbores pyrorum, circa quas a parte orientali sunt due mete terree; abhinc directe versus meridiem transit aliud stagnum, circa quod sunt similiter due mete terree; deinde flectitur versus occidentem, et peruenit ad tercium stagnum, circa quod sunt iterum due mete terree; postea vadit ad vnum nemus circa quod est vna meta terrea; abhinc cadit iterum ad fluuium Dudwagh predictum; posthec reuertitur in ipso fluuio versus septemtrionem, in quo currit per bonum spacium, et exit ipsum fluuium versus occidentem, vbi venit ad duas metas terreas, quarum vna separat a terra Kezt; deindo eundo versus occidentem peruenit ad vnum virgultum, quod erezteuen wlgariter appelatur, vbi sunt due mete terree; abhinc procedendo parum a parte meridionali ipsius vergulti est vna meta; pergitque versus occidentem iterato, vbi venitur ad duas metas terreas; abhinc iterum currit ad duas metas; deinde peruenit iterum ad duas metas terreas, et ibi separatur ab ipsa terra Gezth; deinde currit versus occidentem circa terram Zenth Abraham et terram Pauly, vbi sunt tres mete; per hoc vertitur ad aquilonem, et eundo per viam vertitur ad locum quendam Charadajaras, iuxta quem sunt due mete; deinde vadit directe versus septemtrionem vsque terram Vedred vocatam, vbi sunt tres mete; abhiuc reuertendo versus orientem venit ad vnam metam terream; post hec semper vlterius tendendo versus orientem, venit ad locum priorem, vbi fuit inchoata, et ibi terminatur. In cuius rei momoriam pleniorem, et ad robur maioris firmitatis presentes concessimus litteras sigilli nostri munimine roboratas. Datum X. kalendas mensis Maij anno gracie MşCCş octuagesimo secundo; Lectore nostro Magistro Bartholomeo existente.

(A nyitrai káptalannak 1325-ki átiratából; Nagy-Szombat város levéltárában.)