307. Az egri káptalannak bizonyságlevele Bogathradvani nemzetségbeli Pál comes végintézkedéséről. 1282.

Omnibus Christi fidelibus tam presentibus quam futuris Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire; quod Comite Paulo filio Gopol de genere Bogathraduan ab vna parte, ab altera vero Ladizlao filio Chys fratre predicti Gopol pro se, et pro Chepano fratre suo coram nobis personaliter constitutis; prefatus Comes Paulus exhibuit nobis patentes litteras domini nostri Ladizlai Dei gracia Illustris Regis Hungarie non rasas, non cancellatas, nec in aliqua sui parte viciatas, hunc tenorem continentes:

Nos Ladizlaus Dei gracia Rex Hungarie stb. (következik IV. László királynak 1278-ki engedélye, mint Fejernél V. köt. 2. r. 463. l.)

Et proposuit viuauoce: quod vniuersas possessiones suas hereditarius Kurthuelus, Harach, Mara et Synch nominatas, cum vtilitatibus et pertinencijs suis; item seruos suos hereditarios, videlicet Theke et Draganch filium eiusdem, Thomas filium Buzche, Chama, Vida, et Nynge filium eiusdem Vida; item ancillas suas Genge, et Nychyr sororem eiusdem, duas filias eiusdem Genge Facha et Jolyan nominatas, et filium eiusdem Genge Miclous nominatum; iteem Elsebich et filias eiusdem Magycha, Taberna et Barbara nominatas, paruulum filium et vnam filiam pretacte Magycha; item Annas et filium eiusdem Thomas vocatum; item duas filias predicti Vida Osanna et Margitha nominatas; ob veram dileccionem proximitatis dedisse et contulisse; et coram nobis dedit et contulit dictis filijs Chys et suis heredibus heredamque successoribus jure perpetuo et irreuocabiliter possidere. Eo tamen mode, quod usque ad uitam suam ipse Comes Paulus prefatus possessiones suas, seruos et ancillas memoratas ipse idem possidebit; ipso autem defuncto omnia premissa in manus dictorum filiorum Chys deuoluentur, ut prehabitum est, iure perpetuo possidenda et habenda. In cuius rei memoriam ad instanciam parcium presentes contulimus sigilli nostri post plagam Tartarorum secundo renouati munimine roboratas. Presentibus tamen Haab Preposito, Antonio Cantore, Saulo Lectore, Micov Custode, Marco de Pacha, Martino de Zabouch, Laurencio de Zemlin, Paulo de Borsua, Johanne de Wngh, Simone de Kemey Archidiaconis, et alijs multis. Anno Domini millesimo CCş octuagesimo secundo. Regnante Ladizlao Illustri Rege Hungarie, Lodomerio Archiepiscopo Strigoniensi, Johanns Electo Colocensi; et domino nostro venerabili patre Andrea Dei gracia Episcopo Agriensi existentibus.

(Az egri káptalannak 1327. »Blasius filius Michaelis de Rakovcz« kérésére kiadott átiratából; melynek hitelesített másolata találtatik, a budai kir. kamarai levéltárban.)