255. Magyarországnak püspökei megerősítik IV. László királynak Gerencze vármegyét tárgyazó adományát a zágrábi püspök számára. 1280.

Lodomerius Dei gracia Archiepiscopus Strigoniensis, eiusdemque loci Comes Perpetuus, Dyonisius Jauriensis, Petrus Transilvanus, Thomas Waciensis, miseracione Divina Episcopi universis Christi fidelibus presentes literas inspecturis salutem in vero salutari. Noverit vestra universitas, quod venerabilis pater dominus Thymotheus, Dei gracia Episcopus Zagrabiensis exhibuit nobis quoddam privilegium excellentissimi domini nostri Ladizlai, Dei gracia Regis Vngarie, in hec verba:

Ladizlaus Dei gracia Hungarie etc. Rex etc. (következik IV. László királynak 1277-ki adománylevele, mint fentebb 159. sz. a.)

Nos itaque ad peticionem dicti domini Thymothei Episcopi Zagrabiensis, ipsum privilegium predicti domini nostri sub dupplici sigillo pendenti invenientes non cancellatum nec abrasum vel in aliqua sui parte viciatum de verbo ad verbum legi et transcribi fecimus et in perpetue rei memoriam presens scriptum sigillorum nostrorum munimine consignari. Datum Strigonii XVII. kalendas Novembris anno Domini M. ducentesimo octuagesimo.

(Tkalcsics, Monum. hist. Episc. Zagrabiensis I. köt. 181. l.)