Nos H. Magister Agasonum domini Regis et Comes Musuniensis significamus vniuersis quibus expedierit, quod Comes Chorrardus cum tota prouincia coram nobis proponentes contra molendinarios in fluuio Saar supra Musunium existentes, quod de ipsis molendinis tam populi sui quam tota prouincia magnum dampnum passi fuissent in illicito tributo recipiendo de frugibus ipsorum seu in farina, quod wlgo podlyst dicitur; vnde pari uoluntate nostro arbitrio exposuerant, componendam causam scilicet supradictam: composuimus et instituimus in hunc modum: Quod cum metreta Musuniensi, tum iusta metreta, decimam metretam dare teneantur, et pro farina, quod wlgo podlyst dicitur, de quolibet curru duos denarios. Hoc adiccto, qui dictam institucionem excesserit, iudicio Regali condempnetur. Anno Domini MşCCşLXXş nono.

(Eredetie bőrhártyán, a függő pecsét elveszett; a méltóságos báró Révay család levéltárában.)