Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presens scriptum inspecturis salutem in vero salutaris largitore. Ad uniuersorum noticiam harum serie volumus peruenire, quod vniuersi populi nostri de Prouincia nostra Liptow suis nobis querimonijs significauerunt, quod per Comites de Zolum pro tempore constitutos ad custodiam et operacionem castri et alijs (?) non modicum turbarentur, ipsorum libertatis a progenitoribus nostris eisdem concesse in preiudicium et grauamen; petentes nos cum instancia, vt eosdem ab huiusmodi onere de benignitate Regia alleuare dignaremur. Nos itaque attendentes et considerantes, peticiones eorundem fore legittimas et condignas, eos ab huiusmodi vexacionibus duximus eximendos; ita videlicet, quod omnes populi de Liptou post filios jobagionum nostrorum, qui pari gratulantur libertate, una ea gaudeant et fruantur libertate, in qua communiter populi de eadem per institucionem prefatorum predecessorum nostrorum fuerant constituti; nec eciam ijdem populi ad operacionem seu custodiam Castri de Liptou inuiti compellantur, nec aliqui ex ipsis per se separando, nisi communiter soluere teneantur; nec eciam Comes de Zolum pro tempore constitutus eis Curialem Comitem dare possit separalim, sed quemcumque eisdem in Comitem preficere voluerit, eisdem communiter debeat hominem assignare; vt quicunque ad custodiendum Castrum de Liptou fuerit deputatus, eciam pro Curiali Comite eorundem ordinatus habeatur, qui causas deinde decidat vel decernat inter ipsos. Nullus Cumes vel Curialis Comes de Liptou, aliquem ex eisdem ad opus dicti Castri compellere possit ultra ipsorum voluntatem; sed si eisdem placuerit, receptis fenoribus operentur in Castro memorato. In cuius rei memoriam firmitatemque perpetuam presentes concessimus litteras sigilli nostri duplicis munimine roboratas. Datum per manus discreti viri Nicolai Aule nostra ViceCancellarij dilecti et fidelis nostri anno Domini millesimo CCşLXXş nono, Regni autem nostri anno septimo.
(Rajcsányi Ádám hátrahagyott kézirati gyűjteményéből.)