Capitulum Ecclesie Zagrabiensis omnibus Christi fidelibus presens scriptum inspecturis salutem in omnium saluatore. Ad vniuersorum noticiam tam presencium quam futurorum harum serie volumus peruenire: quod Zlaugozch filius Tolen, Zlauch filius Irizlai, Vulkouoy filius Murge, Obrad et Goriuolk frater suus, Georgius filius Woyhne, Blasius filius Drusine, Achibil filius Georgij, Nicolaus, Zlauch et Stanech filij Drugan, Dimine filius Tolk, et Pribizlaus filius Hink ab una parte; Perchinus Comes trium Camporum ab altera coram nobis personaliter constituti retulerunt: quod idem Zlaugozch cum socijs suis nobilibus de Brochina omnes terras suas in Brochina de Gradech ex vtraque parte fluuij, tam in planis, quam in montibus existentes, cedentes in ipsorum porcionem, cum omnibus vtilitatibus ac pertinencijs suis, molendinis uidelicet, siluis, fenetis et viueis ipsi Comiti Perchino, et per eum suis heredibus, heredumue suorum successirobus pro quadraginta marcis plene ab eodem acceptis, ex permissione omnium cognatorum suorum in predicta Brochina existencium, ac de beneplacito eorundem, vendidissent pacifice ac irreuocabiliter possidendas eo modo, eoque iure, in ea libertate et plenitudine, quibus metis et signis, videlicet ab oriente, meridie et occidente usque septemtrionem nominati nobiles dinoscuntur possedisse. Assumpserunt eciam Zlaugozth, Zlauek, Vulkouoy, Obras, Goriuolk, Georgius, Blasius, Achibil, Nicolaus, Zlauch, Stanech, Dymine et Pribizlaus memorati nobiles de Brochina se firmiter obligantes, quod si ullo unquam processu temporis sepedictus Comes Perchinus aliqua racione super prefatis terris per quemquam impeteretur, ijdem nobiles eundem Perchinum Comitem et suos successores in omnibus et per omnia expedire tenebuntur. In cuius rey memoriam et stabilitatem perpetuam super pretaxta (így) vendicione et emcione earundem terrarum, ne processu temporis per quempiam immutari aut retractari valeaut, presentes concessimus litteras sigilli nostri munimine roboratas. Datum Zagrabie in octauis Pentecostes anno Domini MşCCşLXXş septimo.
(Eredetie bőrhártyán, melyről a pecsét vörös selyemzsinóron függ; a budai kir. kamarai levéltárnak Zágrábban lévő részében.)