124. IV. László királynak a Lyndva-i várt tárgyazó adománya Omodé mester számára. 1275.

(L)adislaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in omnium saluatore. Dum de Maiestate Regia pro fidelium meritis conferuntur et donantur postulata, munitur gubernaculum, nec non gades et status regiminis ampliatur. Proinde ad vniuersorum noticiam tenore presencium volumus peruenire, quod Magister Omodeus filius Omodey dilectus et fidelis noster ad nostram accedens presenciam a nobis instantissime postulauit, vt quoddam Castrum nostrum Lyndua vocatum in Comitatu Castri Ferrei existentem (így), eidem de benignitate Regia conferre dignaremur. Nos itaque consideratis seruicijs meritorijs ipsius Magistri Omodey, que primum temporibus domini Bele Regis clare memorie aui nostri dilectissimi, et domini Stephani Regis inclite recordacionis karissimi patris nostri, et demum nostris in diuersis expedicionibus et negocijs Regni nostri cum summa et inmensa fidelitate inpendit, peticionibus eiusdem fauorabiliter inclinati, dictum Castrum Lyndua, cum villis et terris ad prefatum Castrum de iure pertinentibus, ipsi Magistro Omodeo, et per eum suis heredibus heredumque suorum successoribus dedimus, contulimus atque donauimus iure perpetuo et irreuocabiliter possidendum. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas. Datum per manus venerabilis viri Magistri Benedicti Sancte Strigoniensis Ecclesie in Archiepiscopum Electi, aule nostre ViceCancellarij dilecti et fidelis nostri anno Domini MşCCşLXXş quinto, Regni autem nostri anno quarto, IV. idus Decembris. Venerabibus patribus Stephano Colocensi et Johanne Spalatensi Archiepiscopis; Job Quinqueecclesiensi, Dyonisio Jauriensi, Philippo Wachiensi aule domine Regine carissime consortis nostre Cancellario, Tymotheo Zagrabiensi, Lodomerio Waradiensi, Petro Transiluano, Andrea Agriensi, Gregorio Chanadiensi et Petro in Electo Wesprimiensi Episcopis Ecclesias Dei feliciter gubernantibus. Petro Palatino, Comite Supruniensi et Judice Cumanorum, Thoma Bano tocius Sclauonie, Matheo Magistro Tauarnicorum nostrorum, Mikud Bano de Zeurino, Vgrino Woywoda Transiluano et Comite de Zonuk, Rolando Magistro Tauarnicorum domine Regine Comite de Zana, Stephano Comite Dapiferorum nostrorum Comite Bachiensi, Moys Comite Symigiensi, Herrando Comite Castri Ferrei, Bagun Comite Zaladiensi, et alijs quam pluribus Comitatus Regni nostri tenentibus et honores.

(Eredetie bőrhártyán, melyről a király kettős pecsétje zöld-vörös selyemzsinóron függ; a főmélt. herczeg Batthyáni család levéltárában.)