(L)adizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie Bulgarieque Rex omnibus Cristi fidelibus presentem paginam inspecturis salutem in omnium saluatore. Ad uniuersorum noticiam harum serie uolumus peruenire, quod cum pater noster karissimus inclite recordacionis dominus Stephanus illustris Rex Hungarie quandam terram Glaunicha nocatam in Comitatu de Moroucha existentem Percino Comiti in suo priuilegio contulisset, et postmodum Dyonisius Magister Tawarnicorum domine Regine consortis nostre karissime, dicte Comitatu de Moroucha ex nostra collacione ad ipsum perpetuo deuoluto, eandem terram Glaunicha abstulisset a Comite Percino supradicto; tandem Magister Dyonisius memoratus coram nobis personaliter constitutus predictam terram Glaunicha exemit, excepit et extraxit a priuilegio suo super ispo Comitatu sibi concesso, et exceptam et extractam reliquit de bona uoluntate sua ipsi Comiti Percino iuxta collacionem patris nostri predictam, et sub metis in eiusdem priuilegijs contentis cum omnibus suit vtilitatibus et pertinencijs perpetuo possidendam. Nos autem multiplices fidelitates et seruicia dicti Comitis Percini, que nobis cum persone sue captiuacione et suorum, et rerum suarum expensione non modica in diuersis Regni nostri negocijs exhibuit, attendentes, volentesque eidem, ut nostris tenemur fidelibus, Regio occurrere cum fauore, collacionem dicte terre per eundem patrem nostrum sibi factam iuxta continenciam priuilegij super eiusdem terre collacione confecti, auctoritate presencium confirmamus, et eximimus eandem ab omni debito et seruicio Castri de Moroucha; ita pure et simpliciter, ut nullus Comitum de Moroucha, uel officialium eorundem, in dicta terra recione dicti Castri proprietatem vel jurisdiccionem aliquam possit uel debeat (sibi) uindicare. Et relinquimus candem ipsi Comiti Percino, prout eceteri nobiles in Partibus Transdrawanis constituti terras seu possessiones eorum detinent, libere possidendam; cum et ipsum Comitem Percinum inter primos et pociores Regni nostri nobiles reputemus, nec aliquod debitum uel seruicium ipse et eius heredes dicto Castro de eadem impendere teneantur. In cuius rei memoriam et nostre concessionis firmitatem perpetuam presentes eidem concessimus litteras dupplicis sigilli nostri munimine roboratas. Datum per manus venerabilis viri Magistri Benedicti Sancte Strigoniensis Ecclesie Electi, eiusdemque loci Comitis Perpetui, Budensis Prepositi, Aule nostre UiceCancellarij dilecti et fidelis nostri anno Domini MşCCş septuagesimo quinto, tercio idus Augusti, Regni autem nostri anno tercio. Venerabilibus patribus Stephano Colocensi et Johanne Spalatensi Archiepiscopis; Job Quinqueecclesiensi, Philippo Waciensi aule domine Regine Cancellario, Tymotheo Zagrabiensi, Dyonisio Jauriensi, Petro Transiluano, Andrea Agriensi et Gregorio Chanadiensi Episcopis, ac Petro in Episcopum Wesprimiensem electo et confirmato, Ecclesias Dei feliciter gubernantibus. Nicolao Palatino Comite Supruniensi Judice Cumanorum, Johanne Bano tocius Sclauonie, Nicolao Bano tocius Croacie, Paulo Bano de Zeurino, Matheo Woywoda Transiluano, Iwachino Magistro Tawarnicorum nostrorum Comite de Plys, et alijs quam pluribus Comitatus Regni nostri tenentibus et honores.
(Eredetie bőrhártyán, a vörös-zöld selyemzsinóron függött pecsét elveszett; a budai kir. kamarai levéltárnak Zágrábban lévő részében.)