113. A keresztesek székesfehérvári konventjének bizonyságlevele, hogy Chiko, Herbortnak özvegye hitbére és jegyajándékaira nézve férjének rokonaitól kielégíttetett. 1274.

Conuentus Domus Hospitalis Jerosolomitani de Alba omnibus Christi fidelibus presentes litteras inspecturis salutem in Domino sempiternam. Vniuersitati vestre tenore presencium declaramus, quod quedam domina Chiko uocata filia Zegen de villa Vircy, relicta Herbort filij Martini ab una parte; Cazmerius filius Cozme, et Dyonisius filius Ele de uilla Beren ex altera coram nobis constituti, propositum extitit per cosdem, quod cum idem Zegen pater karissimus eiusdem domine super dote et rebus parafarnalibus filie sue supradicte contra Cazmerium et Dyonisium prefatos materiam mouisset questionis, prout ipsis referentibus intelleximus; tandem per arbitrium proborum uirorum eadem domina sibi de dote et rebus parafarnalibus satisfactum fuisse nobis retulit uiua uoce. Vnde sepe dicta domina predictum Cazmerium et Dyonisium ac suas posteritates ab euentu questionis, que racione predictarum rerum parafarnalium posset incitari, reddidit expeditos, assummens eciam eos expedire, si racione dotis et rerum predictarum eos contingeret inpeti uel aliqualiter molestari. In cuius rei testimonium et perpetuam firmitatem ad instanciam et peticionem sepedicte domine presentes prefatis Cazmerio et Dyonisio dedimus litteras nostro sigillo communitas anno Domini MşCCş septuagesimo quarto, tercio idus Junij-Fratre Argellino Priore eodemque Custode Ecclesie nostre, et fratre Vgone Preceptore Domus nostre existentibus.

(Eredetie bőrhártyán, sárga-ibolyaszínű selyemzsinóron függő pecsét alatt; a budai kir. kamarai levéltárban.)