Amicis suir Reuerendis Conuentui Ecclesie de Lelez Nicolaus de Gara Regni Hungarie Palatinus et Judex Comanorum stb. Noueritis quod cum primitus Johannes filius Valentini filij Johannis filij Mathius de Nabrad, et alter Johannes filius Johannis filij Georgij filij Johannis filij Apsa de eadem, Nicolaum filium Leukes de Kallo pretextu potenciarie occupacionis predij Mak alio nomine Makod nominati Comitatus Zathmariensis, asserendo ipsum predium eis attinere debere; deinde vero Johannes filius prefati Nicolai filij Leukes ipsos utrosque Johannem de Nabrad pretextu eiusdem predij Mak siue Makod sub titulo noue collacionis Regalis ei facte contra sese in alterutrum ad certos terminos traxisset in causam, ipsaque causa ad octauas festi Epiphaniarum Domini in anno eiusdem millesimo quadringentesimo vigesimo nono preteritas fuisset deducta; eisdem denique octauis aduenientibus prefatus Johannes filius Valentini pro se personaliter et pro prefato altero Johanne cum procuratorijs litteris vestris ab vna, parte vero ex altera annotatus Johannes filius Nicolai filij Leukes similiter personaliter pro se et pro annotato Nicolao patre suo cum procuratorijs litteris vestris in figura nostri judicij comparentes stb. primo idem Johannes litteratus de Nabrad in sua et annotati alterius Johannis personis pro verificacione dicte accionis eorum quatuor litteras demonstarat. Quarum prima Capituli Varadiensis privilegialis, anno Domini millesimo ducentesimo septuagesimo quarto emanata continebat, quod Andrea filio Mok de Sysser ab vna parte, Johanne filio Apsa de Nabrad ex altera personaliter eoram ipso Capitulo constitutis; idem Andreas fuisset confessus, quod terciam partem ejusdem terre Mok vocate, quam a Georgio filio Simonis titulo empcionis sibi comparasset, que quidem in tres partes diuisa esset, videlicet Marcello filio Salomonis, Azarie filio Pauli, et ipsi Andree, cum omnibus vtilitatibus, et pertienciis suis, in concanbium cuiusdam partricule terre Sysser vocate, ad tria aratra sufficientis, que Johanni filio Apsa antedicto racione dotis, et rerum parafernalium sororis sue vxoris Laurencii a prefato Andrea de terra memorata Sysser fuisset devoluta, receptis insuper ab eodem Johanne duabus marcis dedisset et vendidisset Johanni supradicto iure perpetuo, et irreuocabiliter possidendam. Mete autem terre particule sic dividerentur: Prima meta terrea esset iuxta aquam Zamos, que esset communis, circa terram Johannis antedicti; ibi transiret aquam Zamos, iret ad vnam arborem piri; deinde iret per terram ad longum stagnum, vbi essent mete terree, superior pars stagni esset Johannis, inferior vero pars esset Marcelli filij Salomonis. Item a terra Johannis filij Jeztreb sie separaretur: inciperet iuxta Zamos, iret vsque ad Megkerek; preterea iret ad Almaskerek, que esset ipsius Johannis, ubi essent due mete; abbine iret ad Kerek stagnum, et sic mete dicte terre terminarentur. Obligasset eciam sepefatus Andreas, quod quicunque processu temporis Johannem predictum racione predicte terre vellet molestare, tunc expedire teneretur stb. Datum Bude septuagesimo die octauarum festi Epiphaniarum Domini predictarum anno Domini millesimo quadrigentesimo tricesimo tercio.
(Eredetie a budai kir. kamarai levéltárban.)