094. IV. László királynak Kuvál helységet tárgyazó adománya Pousa mester Petresnek fia számára. 1274.

Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus presentes litteras inspecturis salutem in omnium saluatore. Pro meritis subditorum digno nos conuenit remuneracionis premio respondere, ut dum eorum utilitati prospicimus, dum commoda propinamus, ipsos ad alciore fidelitatis munia deuocionis inuitamus. Proinde ad universorum noticiam tam presencium quam futurorum harum serie uolumus peruenire: quod Magister Pousa filius Petres ad nostram accedens presenciam a nostra munificencia humiliter postulauit, vt quandam terram Andree filij Mikola sine herede decedentis, Kvwalu uocatam, quam idem de Regni consuetudine approbata ad nostras manus dicebat esse deuolutam, sibi conferre benignitate Regia dingnaremur. Nos itaque attendentes fidelitates et seruiciorum merita ipsius Magistri Pousa, que idem nobis in diuersis expedicionibus Regni nostri tam nostris quam karissimi patris nostri Regis Stephani felicis recordacionis temporibus fideliter impendit et deuote, et specialiter sanguinis effusionem seu mortem fratris eiusdem Magistri Pousa, Judex nuncupati, qui sub castro Jauriensi contra Tevtonicorum insultum uiriliter dimicando coram nobis et Regni nostri nobilibus extitit interemptus, in memoriam reuocantes, prefatam terram Kuwalu cum omnibus utilitatibus et pertinencijs uniuersis, ipsi Magistro Pouse, et per eum suis heredibus heredumque suorum successoribus dedimus, donauimus et contulimus, prout ad nostras manus de Regni consuetudine deuoluta esse dignosscitur siue preiudicio iuris alieni perpetuo possidendam. Ut igitur huius nostre deuocionis (igy) series robur obtineat perpetue firmitatis, nec processu temporis possit per quempiam 97indebite retractari; presentes concessimus litteras dupplicis sigilli nostri munimine roboratas. Datum per manus Magistri Benedicti Sancte Strigoniensis Ecclesie Electi, Prepositi Budensis, aule nostre Uice Cancellarij dilecti et fidelitatis nostri anno Domini MşCCşLXXş quarto Regni autem nostri anno secundo. Venerabilibus patribus Stephano Colocensi et Johanne Spalatensi Archiepiscopus; Lamperto Agriensi, Briccio Chanadiensi, Job Quinqueecclesiensi, Paulo Wesprimiensi aule nostre Cancellario, Philippo Vaciensi aule domine Regine consortis nostre karissime Cancellario, Lodomerio Varadiensi, Tymoteo Zagrabiensi, Dionisio Jauriensi et Petro Transiluano Episcopis Ecclesias Dei feliciter gubernantibus. Dionisio Palatino Comite de Okilich et Judice Cumanorum, Herrico Bano tocius Slauonie, Nicolao Voyauoda Transiluano Comite de Zounuk, Joachino Magistro Tauarnicorum nostrorum Comite de Plys, Nicolao Judice Curie nostre Comite de Gecke, Paulo Bano de Zeurino, Renoldo Magistro Dapiferorum nostrorum Comite Zulgageuriensi, Herbordo Magistro Agasonum nostrorum Comite de Barana, Nicolao Magistro Pincernarum nostrorum, Johanne Comite Supruniensi, Moys Comite Symigiensi, Gregorio Comite Castri Ferrei, Dedalo Comite Zaladiensi, et alijs quam pluribus Regni Comitatus tenentibus et honores.

(Eredetie bőrhártyán, a függő pecsét elveszett; a főmélt. herczeg Eszterházy családnak levéltárában.)