092. IV. László királynak adómentességi privilegiuma a zágrábi egyház népei számára. 1274.

Ladizlaus Dei gracia Vngarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus tam presentibus quam futuris, et specialiter collectoribus marturinarum undecim et septem denariorum per Sclauoniam ad presens et pro tempore contitutis, quibus expedit et presentes ostendentur, salutem in omnium salvatore. Cum populi Zagrabiensis Ecclesie, tam Episcopi videlicet quam Capituli loci eiusdem, ab omni collecta seu exaccione qualibet, marturinarum videlicet et aliarum exactionum quarumcumque, iuxta antiquam et consuetam eiusdem Ecclesie libertatem vallatam multis predecessorum nostrorum privilegiis, et specialiter privilegio domini Stephani Serenissimi Regis, clare recordacionis, patris nostri, liberi sint penitus et exempti; nosque eandem Ecclesiam ac populos ipsius in 93prioribus velimus eorum livertatibus indempuiter conservare univarsitati vestre presenti edictione perpetuo duratura specialiter inhibemus: ne quis predictos populos Episcopi et Capituli Zagrabiensis nomine, racione, seu occasione collecte cuiuslibet, et specialiter pretextu collecte undecim et septem denariorum presumant aliquatenus molestare, aut aliquam collectam exigere ab eisdem, non obstantibus litteris nostris que contra tenorem pribilegiorum eorumdem seu contra formam libertatis Ecclesie memorate emanassent, vel deinceps quomodolibet contingeret emanare; cum predictam Ecclesiam, sicut premisimus, ob reverenciam Sanctorum predecessorum nostrorum, Stephani et Ladizlai Regum Vngarie, nec non et propter approbatam fidelitatem venerabilis patris Thimothei eiusdem Ecclesie Episcopi, dictam Ecclesiam et populos ad iura eius velimus et intendamus manutenere et conservare in eorum consvetis et antiquis libertatibus inconcusse. In cuius rei memoriam et perpetuam firmitatem presentes dedimus literas duplicis sigilli nostri munimine roboratas. Datum per manus Benedicti, Sancte Strigoniensis Ecclesie Electi, eiusdemque loci Comitis Perpetui, aule nostre Vicecancellarii et Prepositi Budensis, dilecti et fidelis nostri, anno Domini MCCLXXIV., pridie kalendas Junii, indiccione II. Regni autem nostri anno secundo. Venerabilibus patribus Stephano Colocensi et Johanne Spalatensi Archiepiscopis, Lamperto Agriensi, Job Quinqueecclesiensi, Philippo Waciensi aule domine Regine consortis nostre karissime Cancellario, Paulo Wesprimiensi aule nostre Cancellario, Thimotheo Zagrabiensi, Lodomerio Waradiensi, Dyonisio Jauriensi et Petro Transiluano Episcopis, Ecclesias Dei feliciter gubernantibus. Dyonisio Palatino Comite de Zounuk et Judice Cumanorum, Nycolao Judice Curie nostre Comite de Guecke, Henrico Bano tocius Sclauonie, Nycolao Woyuoda Transiluano et Comite de Zounuk, Paulo Bano de Zeurino, Joachino Magistro Tauarnicorum Comite de Plys, Reynoldo Magistro Dapiferorum Comite Zulgageuriensi, Nycolao Magistro Pincernarum, Herborto Magistro Agasonum nostrorum Comite de Barana, Moys Magistro Thavarnicorum domine Regine consortis nostre karissime, Comite Simigiensi, Johanne Comite Supruniensi, Gregorio Comite Castri Ferrei, Dedalo 94Comite Zaladiensi, Jacobo Comite Nytriensi, et aliis quam pluribus Comitatus Regni tenentibus et honores.

(Tkalcsics, Monum. hist. Episc. Zagrabiensis I. köt. 171. l.)