Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presens scriptum cernentibus tam presentibus quam futuris salutem in salutis largitore. Cum condicio generis humani ab vno dignoscatur descendisse principio; racionis calculus nos commonet et inuitat, vt pro quibus propria vel aliorum interpellant merita, in pristinum 84libertatis titulum digni censeantur. Proinde ad vniuersorum noticiam presencium serie volumus peruenire, quod Abraham et Benedictus filij Ison, Venceslaus, Bandur et Salomon filij Lehozon, Marcas, Cheh, Martinus, Botis et Iuanka filij Georgij jobagiones Castri Ferrei de villa Shuton eo tempore, quo post decessum Stephani illustris Regis Hungarie gloriose recordacionis, patris nostri karissimi, seuissima genera et ingens exercitus Theutonicorum et Bohemorum Regnum nostrum inuasisset, et nos ad resistendum eisdem quandam nostram miliciam misissemus, eidem adherentes, Baronibus quibusdam nostris, qui ipsi milicie intererant, laudabile et speciale seruicium impenderunt, in eo videlicet, quod non paucos milites Theutonicos, non cum assistencia aliorum, sed ipsorum viribus et virtutibus exigentibus nobis in captiuitatem adduxerunt. Demum cum ad expugnandum et recipiendum castrum nostrum Jauriense, quad per eosdem Theutonicos captum extiterat, contra quos Barones nostros, Magistrum Gregorium Comitem Castri Ferrei, Magistrum Johannem Comitem Supruniensem filium Michkbani, ac Dedalum Comitem Zaladiensem, dilectos et fideles nostros misissemus; ijdem jobagiones Castri Ferrei, quorum nomina superius sunt expressa, sub eodem castro Jauriensi eisdem Baronibus nostris cernentibus strenue et laudabiliter dimicarunt, prout per litteras Magistri Gregorij Comitis Castri Ferrei, Johannis Magistri Comitis Supruniensis, fidelium Baronum nostrorum nobis constitit euidenter. Nos igitur, qui ex officio suscepti regiminis metiri debemus merita singulorum, volentes eisdem jobagionibus Castri nostri antedicti cuilibet ipsorum in solidum pro impensis seruicijs Regio occurrere fauore: in futurum ipsos et posteros eorundem cum omnibus terris suis a jobagionatu Castri et jurisdicione penitus eximendo, ad numerum et cetum seruiencium nostrorum Regalium liberaliter duximus transferendos. Ita videlicet, quod tam ipsi, quam ipsorum heredes, heredumque suorum successores ea gaudeant libertate, qua ceteri seruientes nostri Regales gratulantur et exultant. In cuius rei memoriam firmitatemque perpetuam presentes eisddm concessimus litteras dupplicis sigilli nostri munimine roboratas. Datum per manus Magistri Benedicti Orodiensis Ecclesie Prepositi Aule nostre ViceCancellarij 85dilecti et fidelis nostri anno Domini millesimo CCş septuagesimo tercio, octauo kalendas Julij, Regni autem nostri anno primo. Vacante Sede Strigoniensi; venerabilibus in Christo patribus Stephano Colocensi et Johanne Spalatensi Archiepiscopis; Lamperto Agriensi, Briccio Chanadiensi, Joob Quinqueecclesiensi, Philippo Vaciensi, Paulo Wesprimiensi Aule nostre Cancellario, Thimotheo Zagrabiensi, Lodomerio Varadiensi, Dyonisi Jauriensi et Petro Transsyluano Episcopis Ecclesias Dei feliciter gubernantibus. Lorando Palatino, Henrico Bano tocius Sclauonie, Nicolao Wayuoda Transsyluano Comite de Zonuk, Joachino Magistro Thauarnicorum nostrorum, Egidio Bano de Machou, Paulo Bano de Zeurino, Renoldo Magistro Dapiferorum nostrorum Comite Zulgageuriensi, Vgrino Magistro Agazonum nostrorum Comite Sirmiensi, Laurencio Magistro Pincernarum nostrorum Comite de Kewe et de Carassu, Moys Comite Simighiensi, Dedalo Comite Zaladiensi, Michaele Comite Nitriensi, et alijs quam pluribus Comitatus Regni tonentibus et honores.
(Rajcsányi Ádám hátrahagyott kézirati gyűjteményéből.)