Vniuersum Capitulum Ecclesie Sancti Petri de Posoga omnibus Christi fidelibus presentem paginam inspecturis salutem in omnium saluatore. Quoniam labilis est humana memoria, et rerum turbe non sufficit; ob hoc racio mater equitatis adinuenit, vt res geste litterarum debeant viuacititate perhennari. Hinc est, quod ad vniuersorum noticiam volumus peruenire, quod constituti coram nobis nobiles viri de genere Borych Bani, videlicet Marczel, Michael, Wysen et Wydus filij Benedicti ab vna parte, et Beryzlaus filius Beryzlaui ex altera, viua voce et amicabili personaliter affirmarunt: Quad quam-quam diu et multociens super diuisione ipsorum generali lites et contenciones in aterutrum coram domino Rege et diuersis Judicibus Regni fuissent ventilate; tandem probis viris et idoneis inter ipsos pacem et composicionem de voluntate parcium iam dictarum facientibus, scilicet Petri filij Otholyn, Johannis fratris eiusdem, Georgij filij Mutimerij, Nicolai filij Descysclow, Simonis filij Gyrizlo, Pauli filij Boryho, Gregorij filij Zawda, Stephani filij Jacow, Syrgerardi 62Comitis, et Thome filij Comelij, vt discordia et lites de medio eorundem penitus tollerentur et sopirentur in hunc modum conuenissent, vt medietas silue inter aquam Moruzna vocatam et aquam Zawa existentis in solitis prouentibus, scilicet in pastu porcorum, et omnibus vtilitatibus, quas eadem silua consueuit pro tempore ministrare, in duas partes debet sine diminucione bipartiri. Similiter eciam medietas ipsius aque Moruzna ab inicio eiusdem, que fok wlgariter appellatur, secundum cursum eiusdem aque in lausulis (így), que wlgo scege nuncupantur, partibus communiter ministrabit. Vt autem premissa ordinacio inter nobiles prenotatos robur obtineat perpetue firmitatis, ad peticionem eorundem presentes litteras concessimus nostri sigilli impressione roborantes. Datum anno Gracie millesimo ducentesimo septuagesimo secundo.
(Mátyás király személynöke által 1461. Budán »quarto die termini ferie quarte proxime ante festum Beati Gregorij« kiadott oktávás átiratból, a budai kir. kamarai levéltárban.)