050. V. István király megerősíti azon szerződést, melylyel Herch barsi polgár a Garam folyón lévő malmát a sz. benedeki monostornak eladta. 1272.

Nos Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus tam presentibus quam futuris presentes litteras inspecturis salutem in omnium saluatore. Ad vniuersorum tam presencium quam futurorum noticiam harum serie volumus peruenire: quod vir venerabilis frater Martinus Abbas Monasterij Beati Benedicti de Grana ad nostram accedens presenciam obtulit Nobis priuilegiales litteras fidelium nostrorum Capituli Nitriensis, datas seu concessas super empcione cuiusdam molendini existentis in fluuio Grana in uilla Bors. Quarum quidem litterarum tenor talis est:

Vniuersis stb. Capitulum Nytriensis Ecclesie stb. (következik a nyitrai káptalannak 1270-ki bizonyságlevele, mint Okmánytárunk VII. vagyis a második folyam II. kötetében 322. l.)

Nos itaque contractum huiusmodi aprobantes, prout eciam primitus per Dionisium Comitem Borsiensem aprobatus fuerat, secundum quod ipsius littere declarabant, et eciam collacionem vnius aree siue situs curie per dominum Regem felicis recordacionis karissimum patrem nostrum dicto Monasterio in uilla eadem collati, iuxta suarum continenciam litterarum ratum habentes presentibus confirmamus, duplicis sigilli nostri munimine roborando. Volentes, quod Abbas predicti Monasterij super premissis nec per Comitem Borsiensem, quieunque fuerit pro tempore, nec per alios quoslibet valeat vllo vnquam tempore molestari. Datum per manus Magistri Benedicti Orodiensis Ecclesie Prepositi aule nostre ViceCancellarij, dilecti et fidelis nostri, anno Domini Mş52CCş septuagesimo secundo, Regni autem nostri anno secundo.

(Az eredeti után Knauz Nándor, Magyar Sion III. köt. 222. l.)