Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus tam presentibus quam futuris presentes litteras inspecturis salutem in omnium saluatore. Ad vniuersorum Comitum, Posonyensis videlicet, Nitriensis, Jauriensis, Kamariniensis, Wesprimiensis, Zaladyensis, Symigiensis et Tholneusis, 15seu omnium aliorum Judicum et Viceiudicum, nec non et jobagionum Castrorum et Collectorum noticiam harum serie volumus peruenire: quod cum causa deuocionis diuertissemus Ecclesiam Beati Martini de Sacro Monte Pannonie, preciosi Christi confessoris visitare, venerabilis vir Bonifacius Abbas et fratres eiusdem Ecclesie, condicionarios populos suos per diuersos collectarum exactores miserabiliter fuisse aggrauatos, nobis conquerendo significare curauerunt; petentes, vt. propter anime nostre salutem ipsis populis sic miserbiliter aggrauatis et afflictis releuacionis remedium ex debite sollicitudinis officio adhibere dignaremur, priuilegium Sanctissimi Regis Stephani predecessoris nostri exhibendo. Cuius tenore perlecto, quia comperimus euidenter, et fide oculata inspeximus, in eodem ex forma indulti eiusdem sanctissimi predecessoris nostri, ipsum Monasterium et eius populum ab omni inquietudine semotum: nos eiusdem sanctissimi Regis Stephani felicibus vestigijs inherentes, concessimus statuendo, ut quemadmodum a judicio, et potestate ac jurisdiccione omnium Judicum ac vniuersorum Comitum Parochyalium seu Viceiudicum et Curialium Comitum eorundem ex forma priuilegij supradicti expediti sunt penitus et exempti; ita et a uexacionibus et grauaminibus, que per collectores tam victualium, quam denariorum, seu quarumlibet aliarum manerierum possent eis imponi, mandari et iuberi, expediti habeantur penitus, more populorum Albensis Ecclesie, et exempti. Ita tamen, quod vnquam in Regno nostro generaliter, vel in aliquibus Prouincijs seu Comitatibus, in quibus fuerint populi Monasterij supradicti, specialiter collectam aliquam in denarijs, lignis aut victualibus, sicut consuetum est, facere nos contingat; Abbas Monasterij eiusdem quicinque fuerit pro tempore, aut Decanus, vel aliqui maiores et pociores de fratribus, siue officiales ipsius, ad nos personaliter accedere debeant, recepturi, et audituri, ac facturi ordinacionem nostram, quam super facto collectarum huiusmodi facere et ordinare nobis videbitur iuxta qualitatem temporis cum eisdem de misericordie lenitate, ne populis ipsius Ecclesie per granamina ad nimiam paupertatem et exinanicionem virtutis extreme redactis, in ea per subtraccionem alimentorum Divine laudis organa suspendantur. Vt igitur presens nostra 16ordinacio, ymo iam dudum ordinati negocij salubris innouacio robor optineat perpetue firmitatis, nec per predictos eorundem Comitatuum Judices, Comites seu Rectores et collectarum exactores valeat aliquatenus inmutari, presentes populis dicti Monasterij super hoc in priuilegium firmitatis perpetue concessimus litteras, dupplicis sigilli nostri munimine roboratas. Datum per manus Magistri Benedicti Orodyensis Ecclesie Prepositi aule nostre ViceCancellarij dilecti et fidelis nostri anno Domini Mş ducentesimo septuagesimo, septimo idus Nouembris, Regni autem nostri anno primo.
(Károly királynak 1327. XIII. kalendas Februarij kelt megerősítő privilegiumából, melyet Miklós nádor 1347. akkor »quum nos Regya benignitas ad quoslibet Comitatus Regni sui ad faciendas Generales Congregaciones pro exterminandis quibuslibet malefactoribus, et juribus quorumlibet conseruandis iuxta debitum officij nostri Palatinatus destinasset; inter ceterosque comitatus primo et principaliter in Jauriensi et Komarinyensi Comitatibus Vniuersitati Nobilium et aliorum cuiusuis status et condicionis hominum prope Civitatem Jaurinum secunda feria proxima post festum Sancti Georgij martiris Congregacionem celebrassemus Generalem« - »Comes Dechlynus et officialis et legitimus procurator Vyllermi Abbatis Monasterij Sancti Martini« kérésére átírt; az országos levéltárban.)