447. A budai káptalannak bizonyságlevele, hogy Nanabezter nemzetségbeli Demeter Sóskút nevű peres földre nézve a Sz. Mária szigetén lévő apáczazárdával barátságosan egyezkedett. 1270.

A B C D

Nos Capitulum Budensis Ecclesie significamus, quod fratre Nicolao procuratore sororum de Insula Sante Marie pro eadem Ecclesia ab una parte, et Demetrio filio Bezter de genere Nanabezter de villa Berky ex altera, coram nobis personaliter constitutis proposuerunt; quod in causa, quam dictus Demetrius pro quadam terra Souskut uocata contra memoratas sorores de Insula Sancte Marie mouerat, quam terram nobilis matrona, relicta videlicet Magistri Nane, Ecclesie Beate Marie Virginis de Insula antedicta pro remedio anime sue legauerat, teliter conuenissent; quod predictam terram prenotatus Demetrius cum suis omnibus vtilitatibus, quas de proprijs laboribus et expensis in ipsa terra parari fecerat, usque ad tempora vite sue possidebit, defuncto uero Demetrio absque heredum successione eadem terra in ius Ecclesie Beate Marie de Insula duoluetur; si autem idem Demetrius filium superstitem habuerit, si eidem filio placuerit, terram antedictam cum omnibus super eadem terra hedificatis uel plantatis, prout eadem terra fuerit tunc temporis estimata, liberam habet redimendi facultatem, tocius terre precio memoratis sororibus in solidum persoluto. Super quo facto partibus sic volentibus et petentibus litteras presentes concessimus sigilli nostri muniminc roboratas. Datum per manus Magistri Ambrosij Scolastici Budensis, anno Domini M °CC° suptuagesimo. Nicolai Cantore, Petro Custode, Bedeu Decano, Sala sacerdote, Damiano et Petro Magistris, ceterisque Canonicis existentibus.

(Eredetie bőrhártyán, melyről a pecsét vörös selyemzsinóron függ; a budai kir. kamarai levéltárban.)