363. A király kiküldött bíráinak itélete Karachai Remeg fiai és Karcha Jóván fiai közt, bizonyos földbirtok tárgyában. 1262.

Nos Magister Paulus Electus Ecclesie Albensis, aule domini Regis ViceCancellarius, iudex a domino Rege deputatus; Comes Symon Vice Judex Curie domini Regis; tenore presencium significamus vniuersis, quod cum Mark et Boudou filij Jouan de villa Karacha de Comitatu Posoniensi, Langrab et Bartholomeum filios Comitis Remigij de eadem villa conuenissent coram no bis, proponendo contra ipsos, quod silua illa Arky vocata, circa quindecium iugeribus sita semper suerit (így) silua eorum hereditaria, et ab ipsis pater dictorum Langrab et Bartholomei secundo anno post discessum Tartharorum, manu vsurpauerit violenta. Ex aduerso Langrab et Bartholomeus predicti responderunt, quod illa eadem silua semper suerit patris ipsorum, Comitis Remigij videlicet, et auorum ipsorum; et quod per manus hominum silua memorata de glandibus seminando fuerit procreata. Et cum post produccionem testium super parcium assercione in octauis Sancti Nicolai duellum adiudicatum fuisset inter partes, adueniente ipso termino duelli partes comparentes ad duellum de nostra permissione in loco pugne secundum sentenciam proborum virorum in talem composicionem deuenerunt; quod ijdem Langrab et Bartholomeus dictam siluam Arky in tres partes diuidendo coram testimonio Capituli Posoniensis per pristaldum nostrum Alexandrum de genere Tech duas partes eiusdem silue relinquerent Mark et Budou supradictis; remanente tercia parte in ius Langrab et Bartholomei predictorum. Diuisa postmodum ipsa silua, prout diximus, in ius parcium modo predicto per prenominatum pristaldum sub testimonio dicti Capituli est statua; permittente et consenciente Buzad de Karacha, prout in litteris eiusdem Capituli vidimus contineri, metis ab inuicem separando. Mete autem duas partes dicte silue in ius Mark et Budou predictorum, a tercia parte eiusdem, que predictis Langrab et Bartholomeo remanet, separantes hoc ordine distinguntur; sicut nobis Capitulum Posoniense in suis litteris remandauit: Prima meta incipit in capite silue incipoendo a parte septemtrionali, vbi sunt due mete iuxta quandam antiquam metam; deinde procedit versus meridiem transeundo fossatum antiquum veniendo ad arborem querkum, donec veniatur ad uenam aque, que dicitur Lapsar, procedendo semper quatuordecim metis in septem locis positis versus meridiem; deinde declinat versus occidentem iuxta predictam venam aque dicte Lapsar, donec veniatur ad fundum curie Barleus filij Buzad, vbi sunt due mete; deinde vertitur versus septemtrionem ad arborem piri, que scilicet arbor piri est in medio vnius mete; deinde venitur ad antiquum fossatum, quod remanet in terra Mark et Budonis, et ibi erecte sunt due mete iuxta antiquam metam versus septemtrionem; deinde protenditur iuxta idem antiquum fossatum iuxta quod fossatum erecte sunt due mete; deinde protenditur ad metas, que erecte in capite silue sunt, et ibi terminatur. In cuius rei testimonium et memoriam ad peticionem parcium personaliter coram nobis comparencium presentes litteras concessimus sigillo nostro roboratas. Datum in Oronos in octauis Cynerum anno Domini M°CC° sexagesimo secundo. (Eredetie bőrhártyán, a hártyazsinegen függött pecsét elveszett; közölte tek. Dergi Somogyi Antal úr.)