358. A győri káptalannak bizonyságlevele az Ekli Endre comes fiai közt történt birtokosztályról. 1261.

Capitulum Ecclesie Jauriensis vniuersis Christi fidelibus presens scriptum inspecturis salutem in Domino. Vniuersitati vestre tenore presencium declaramus, quod nobiles viri filij Comitis Andree de Ekl, videlicet Sthene et Stephanus pro se et pro alijs fratribus suis, in nostra personaliter constituti presencia de omnibus possessionibus suis tam hereditarijs, quam empticijs, quas in Ekl et in Sakalus in terris cultis et incultis, pratis, piscinis, in seruis, ancillis et libertinis possident, Comite Nicolao de Wygman homine domini Regis, et testimonio Capituli Strigoniensis mediantibus inter se diuisionem dixerunt orinasse tali modo: quod in villa Ekl omnes terras cultas diuisissent in quinque partes, quarum due partes cessissent in partem Stene et Magistri Gregorij fratis sui, residue vero tres partes Stephano, Benedicto et Oltumano remansissent possidende. Item quedam particula terre metis distincta ex parte terre Stene cessisset eisdem Stene et Gregorio. Item quandam tcrram inter Sek taliter dixerunt diuisisse, quod pars illa que contignatur ponti lapideo cessisset Sthene et Gregorio, residua vero pars, que jacet a parte meridionali, cessit Stephano cum fratribus suis suprascriptis. Item in terra Sakalus duas partes ecclesie propinquas seu contignas dixerunt cessisse Stene cum fratre suo nominato, tres vero partes eiusdem terre a parte septemtrionali in sortes Stephani et fratrum suorum fuissent deuolute. Adiecerunt eciam, quod terra culta vltra Sakalus existens, due partes eidem Sakalus contigne cessissent in partem Sthene et Gregorij, residue vero tres partes a parte silue remansissent Stephano, Benedicto et Oltumano. Item proposuerunt, quod in stagno de Sakalus vna piscatura, que wlgariter weyzhel nuncupatur in loco molendini pariter cum eodem loeo, et alia piscatura subsequens in eodem stagno cessissent in porcionem Stene et Gregorij, residue vero piscature in eodem stagno remansissent Stephano cum fratribus suis. Item piscatura Achaga nuncupata remansisset Stene cum fratre suo. De stagno vero quod Selmekus vocatur, taliter dixerunt ordinasse, quod communi piscacioni subiacebit; ita tamen, quod due partes prouentus eiusdem stagni Stene et Gregorio cedunt, residue vero tres partes Stephano et fratribus suis remanebunt. Item in stagno Labuan vocato piscatura vna, videlit, weyzhel iacens a parte occidentali, cessisset Stephano et fratribus suis, alia vero piscatura a parte orientali cessisset in partem Stene et fratris sui. Item piscatura nominc Wyzessew cum lapa et cum piscatura Sublug nomine et durusta, que iacet sub durusta Magistri Athyan, item sub Dudrag, Adam vezy, Borsatw et Ernemlyz cesserunt, in partem Stene et fratris sui; residue vero piscature, videlicet Tauznezy, Kukenus, Allozeg, Sebesnezy, Zygnedd, Toutw, Arukch, Buruch, Dudvag, Felliz, Alexandri, Megeliz, Feldurusta, Durusta, Athyani Magistri, omnes iste piscature cesserunt in partem Stephani et fratrum suorum. Item Fellelez cessit eidem Stephano et fratribus suis; Inferior vero Lelez cessit in partem Stene et Gregorij. Item idem Stene Stephano, Benedicto et Oltumano fratribus suis statuit hos seruos: Buhtus filium Mesha, duas ancillas videlicet Chup et Moguya in concambium duorum seruorum Boch et Benedic nuncupatorum, quos idem Stene sibi et fratri suo reseruauit. Item statuit libertinos eisdem Stephano et fratribus suis Mogh et filium eiusdem, Simonem et Gregorium fratrem eiusdem, filios Penthuk, Scerdam, Thomam filios Kese, item Bugus cum tribus filijs suis, videlicet Petro, Paulo et Stephano; item Marcus et Pousa. E conuerso vero idem Stephanus Stene et Gregorio fratribus suis statuit duos seruos, Buch videlicet et Benedictum prenominatos; item hos libertinos statuit eisdem: Thekws cum filio suo Dominico, Thukem cum filio suo Jouanka, Scentus cum filio suo Theodoro nuncapato. Vt igitur huius diuisionis series in omnibus supradictis robur perpetue firmitatis optineat, presentes litteras tripartitas ad peticionem vtriusque partis inclinati concessimus Stene et Stephano ac eorundem fratribus iam pluries nominatis. Anno Domini millesimo ducentesimo LX° primo. Stephane Preposito, Ickone Cantore, Hectore Custode existentibus.

(A pannonhalmi konvent átirata 1394. »in festo B. Galli confessoris« Chene filius Georgii et Jonathan filius Blasij de Ekl« kérésére; foglaltatik Báthory István országbírónak 1481. Átiratában »Lecta cum tenoribus per Gerezy«; a budai kir. kamarai levéltárban.)