357. Spalato város községe követeket küld IV. Béla magyar királyhoz. 1261.

In nomine Domini Jesu Christi, amen. Anno a Nativitate eiusdem 1261. Indictione 4. die tertia mensis Augusti, regmante domino nostro Bela Serenissimo Rege Ungarie, temporibus domini Rogerii venerabilis Spalatensis Archiepiscopi, Miche Madii, Gregorii Grube et Petri Zaeche Judicum. Judices supradicti Micha et Gregorius cum consensu et voluntate nobilium Civitatis sive Communitatis et pro ipsa Communitate plenam contulerunt potestatem domino Thome Archidiacono et Marino Bonaiunte, quos in ambasciatores Civitatis ad dominum Regem destinabant, inveniendi denariorum sub mutuo super ipsa Communitate — — — in primo viagio eundo vel redeundo seu stando pro expensariis oportet; promittentes pro eadem Communitate, quod, quidquid per eos mutuo acceptum fuerit, ipsa Communitas integre restituet et solvet cum bonorum eiusdem Communitatis obligatione. Actum Spalati infra ambas portas, presentibus Joanne Cigaide, Creza Cazette, Duijmo Catarii, Dobrre Dussize testibus etc. et aliis. Ego Thomas Dussizze examinator manum meam misi. Ego Magister Franciscus Imperiali Auctoritate Notarius et nunc Communis Spalati Juratus hiis omnibus interfui ex mandato ac voluntate Judicum predictorum, testium et plurium aliorum nobilium Civitatis scripsi et roboravi etc.

(Ljubics, Monum. sp. Hist. Slav. Merid. I. köt. 98. 1.)