Bela Dei gracia Hungarie, Dalmacie, Crouacie, Rame, Seruie, Gallicie, Lodomerie Cumanieque Rex omnibus tam presentibus quam futuris presentes litteras inspecturis salutem in omnium saluatore. Consueuit Excellencia Regia, ut si aliquid a suis fidelibus recipit, eisdem postmodum respondeat in consimili uel maiori. Proinde ad uniuersorum noticiam uolumus peruenire, quod cum hereditariam terram Marcelli, Bater, Supk et Hrabur filiorum Wacik, cognatorum Comitis Dubuch, Hernoch nuncupatam, ab ipsis auferendo, dilecto et fideli nostro Matheo quondam Magistro Tawarnicorum nostrorum Comiti Posuniensi contulissemus, et eisdem terram nomine Strogar, que wduornicorum nostrorum fuerat, dedissemus; eandem postmodum, cum wduornici nostri multiplicati seu reducti fuissent, ab eisdem Marcello, Supk, Bater et Hrabur recipiendo, restituendam duximus wduornicis antedictis. Ne tamen ijdem Marcellus, Supk, Bater et Hrabur uim seu molestiam ab Excellencia Regia paterentur, de qua omnibus gracia consueuit prestolari; quandam terram Kelena nuncupatam, cuius quidem medietas a parte terre Jacou de Fedemus ad Castrum Huntense pertinebat, ubi circa eandem terram Castri nostri iobagiones Castri nostri, scilicet Magister Micael filus Vtisk, Petrus filius Bedeech, Kaach, Sebastianus, Luka filius Leustachij, ac alij generaciones eorumdem quandam particulam terre seu prcionem habuerunt, quam quidem particulam terre ab eisdem iobagionibus Castri nostri empcionis titulo, uidelicet nouem marcis ipsis Marcello, Supk, Bater et Hrabur comparauimus; cuius quidem summe pecunie dimidietatem de nostra Camara persoluimus, residuam vero partem per eosdem Marcellum et Supk ac fratres eorumdem ex integro persolui fecimus; et aliam medietatem circa terram eorumdem iobagionum Castri nostri a Bors et Budou de Morus, et a tota generacione eorumdem habueramus pro concambio; et insuper quandam particulam terre Trebogost nominate, similiter Castro Huntensi duorum aratrorum subiectam, certis metis a terris aliorum distinctam, in commutacionem terre ipsorum ipsis Marcello, Supk, Bater et Hrabur, et per ipsos ipsorum heredibus heredumque successoribus perpetuo duximus conferendas. Quas quidem terras ipsis per fidelem nostrum Jacou de Fedemus nomine commetaneitatis presente testimonio Capituli Strigoniensis, ac presentibus vniuersis commetaneis et vicinis earundem fecimus assignari. Quarum eciam mete, prout ipsum Capitulum Strigoniense nobis in litteris suis seriatim intimauit, hoc ordine distinguntur: Prima meta terre Kelena incipit a parte orientali in capite riuuli Holumna, et ibi sunt sub arbore, que dicitur tulfa, est (így) meta terrea; inde per eundem riuulum descendit ad locum, ubi finitur riuulus nominatus, et ibi sub duabus arboribus, que tulfa nominatur (így), sunt due mete terree, et ibi tenet metam cum Erney et Gregorio; inde iuxta terram Zelchan inter duos stagnos descendit ad riuulum, qui currit per Zelchen; hinc ascendit ad partem occidentalem ad berch, ubi est meta lapidea, et ibi tenet metam cum Jacou de Fedemus; inde tendit ad septemtrionem superius ad berch, ubi sub una arbore, que tulgfa nominatur, sunt due mete terree; hinc descendit ad bik, et ibi est meta terrea; inde transit ad uallem et uadit ad Sceleushyg, et ibi tenet metam cum Jacou nominato de Fedemus; hinc descendit ad tiliam, sub qua est fons, et ibi sunt due mete terree; inde per Scornapotoca uadit superius per metas plurimus usque pratum quod Crastov nominatur, cuius pars est Jacou de Fedemus; inde ascendit super montem, ubi sunt due mete terree, et ibi tenet metam cum Chol et Nocolao filios (így) Mog; inde uadit ad priorem metam, et sic terminatur. Item meta terre Trebogost incipit a parte orientali de Zeppotok, et uadit ad arborem que dicitur tulfa, snb qua est meta terrea, et ibi tenet metam cum Cholomia; hinc ascendit ad berch ad metam terream; inde descendit ad plagam meridionalem, transit per uallem, et uadit ad metam terream; inde uadit ad occidentem ad berch, et ibi sub quercu est mete terrea, et ibi separantur mete de Cholomia et Inam, inde a parte Inam super berch uadit usque metam terream; hinc descendit ad uallem ubi est meta terrea; inde progreditur usque portam Farcasij, ubi est meta terrea; inde descendit in Zeppotok, et teneno metam cum Comite Cosma uadit ad priorem metam, et sic terminatur. In cuius rei memoriam et perpetuam firmitatem presentes dedimus litteras duplicis sigilli nostri munimine communitas. Datum per manus dilecti et fidelis nostri Magistri Pauli Prepositi Posoniensis aule nostre Vice Cancellarij, anno Domini millesimo ducentesimo sexagesimo, Regni autem nostri anno vicsimo quinto.
(Az eredeti után Knauz Nándor Magyar Sion II. köt. 779. 1.)