Conradus Dei gracia Sancte Coloniensis Ecclesie Archiepiscopus, Sacri Imperij per Ytaliam Archicancellarius stb. Cum in littera arbitrii inter nos et Ecclesiam nostram ex una parte, nec non fideles nostros Judices, Scabinos et universos ciues Colonienses ex altera super nostris hincinde iuribus per venerabiles viros stb. prolati sigillis nostris hincinde signata contineatur expresse, quod foranei mercatores Coloniam venientes, aut ipsam mercandi animo frequentantes non sunt permittendi transire terminos antiquitus constitutos, sed hoc secundum consuetudinem antiquam tam ex parte nostra quam civium Coloniensem inviolabiliter obseruari debere stb. Nos ad requisitionem et instantiam predictorum fidelium nostrorum civium Coloniensium diligenti investigatione premissa, prout a senioribus et prudentibus ac fidedignis viris sumus per inquisitionem edocti, memoratos antiquos terminos, una cum quibusdam aliis articulis ad publicam utilitatem spectantibus, in subscriptum modum duximus exprimenendos: Quod videlicet nullus mercatorum de Ungaria, Boemia, Polonia, Bawaria, Sueuia, Saxonia, Thuringia, Hassia, et quibuscunque aliis orientalibus partibus, cum mercibus quibuslibet ad Renum veniens, extra atque ultra ciuitatem Coloniensem, excepta sola causa peregrinationis procedat. Neque etiam ullus Flamingus vel Brabantinus, aut alius quicunque de uttra Mosam vel aliarum partium inferiorum secundum consuetudinem, antiquam et de iure seruandam causa mercandi ulterius quam in Coloniam, et non trans Renum, neque versus partes superiores ultra villam nomine Rodinkirchen procedet. Et similiter nullus mercatorum de superioribus partibus extra Diocesin Coloniensem existens ultra inferiorem turrim ciuitatis Coloniensis, vel saltem ultra villam nomine Ryle causa mercandi descendendo procedat stb. Actum et datum Colonie nonas Maii anno Domini millesimo CC°L° nono.

(Lacomblet T. J. Urkundenbuch für die Geschichte des Niedet-Rheins II. köt. Düsseldorf 1846. 261. l.)