Nos Frater L. Magister Domus Hospitalis Sancti Regis de Strigonio et totus Conuentus eiusdem loci significamus omnibus per presentes memorie commendantes, quod cum in vigilia Sancti Regis secundum iudicium venerabilis patris B(enedicti) Dei gracia Archiepiscopi Strigoniensis Abraham Prepositus, Valentinus Cantor, Farcasius sacerdos Sancti Laurencij, Petrus villicus fabrorum, et Lazarus quondam villicus debuissent prestare sacramentum in nostra ecclesia contra Ambrosium, Jacobum et Zup de Musla super eo, quod Petrus quondam Prepositus Sancti Georgij adhuc vineas, porcionem terre sue quam habebat in Ebed, contulerit et donauerit pro anime sue remedio Capitulo Strigoniensi cum omnibus suis pertinencijs. Tandem partes aduerse pro bono pacis in loco sacramenti receptis una marea argenti et dimidia ab eodem Capitulo predictam terram secundum quod prefatus P. Prepositus ordinauerat, reliquerunt Capitulo antedicto perpetuo possidendam. Datum anno Domini M °CC° quinquagesimo nono.

(Az eredeti után Knauz Nándor, Magyar Sion II. köt. 778. 1)