Maria Dei gracia Regina Hungarie vniuersis Christi fidelibus presencium noticiam habituris salutem in salutis largitore. Quia per temporum varietatem et Comitum de Posoga quondam mutacionem fideles iobagiones nostri in eodem Comitatu terras tenentes super terras suis molestabantur, nec poterant a longo tempore legitime possessas per calumpniatorum machinamenta quiete et pacifice possidere; frequens ipsorum nos suplicacio inuitauit, vt terram vniuscuiusque ipsorum nostro dignaremur priuilegio confirmare. Verum quia non plene constabat nobis de quantitate terre ipsorum et metis, quibus vnaqueque ipsorum cingebatur, fidei et diligencie fidelis nostri Gyleth Taw - - - - incliti dominis nostri Regis Hungarie et Comitis Buchariorum nostrorum commisimus, vt ipse super unamquamque ipsarum terrarum personaliter accedens quantitatem earum, quas a tempore clare memorie Vgrini Colochensis Archiepiscopi et deinceps possessas inueniret ab eis, simul et metas inspiceret, et iuxta metas antiquas nouis erectis statum uniuscuiusque terre nobis suis litteris intimaret. Qui mandata et commissionem nostram fideliter exequutus omnium predictorum iobagionum in dicto Comitatu a tempore pretacti Archiepiscopi tenencium terras, statumque ipsarum terrarum sub suo noto et autentico sigillo in quadam carta clausum nobis transmisit. Inter quas terram Beluch, Sewa et Otrochk nomine Ozyawicha fidelium iobagionum nostrorum tenencium nostram sub hoc statu et sub hijs metis inuenimus comprehendi: Prima siquidem meta terre Beluch, Sewa et Otrochk incipit ab oriente super monte, ubi est meta terrea, et commetaneus eius est Bilotha; inde descendens per eundem montem in semita uersus meridiem usque viam; inde vadit ad pirum ubi est meta terrea, et commetatur terre predicti Bilote; inde uero per quosdam rubos dirigit se ad quoddam fossatum ad riuulum Oziawicha; et inde transiens riuum Oziawicha uadit ad sorbum, ubi est meta terrea; deinde uadit ad nemus, per quod nemus transiens descendit in riuum desiccatum versus occidentem, et ibi est commetaneus eius Draas; et inde ascendit in quandam uiam, iuxta quam est meta terrea, et ibidem commetaneus eius est dictus Draas; inde uero descendens per quoddam nemus versus occidentem uadit ad arborem wlgo nyrfa vocatam, et ibi est meta terrea, et ibi est commetaneus eius predictus Dras, inde uadit ad metam terre relicte Demetrii; deinde uadit ad arborem que uocatur narfa, et ibi est commetaneus terre relicte Demetrii; inde uero cadit in fossatum uersus orientem; et inde ascendens per quandam particulam montis redit ad primam metam; et sic mete predicte terre terminantur. Quam terram sub metis supranotatis eisdem fidelibus nostris Boluch, Sewa et Otrochk, et ipsorum heredibus heredumque successoribus auctoritate presentis priuilegii in ius perpetuum confirmauimus sub eadem obseruancia, debitis et seruiciis ac ritu in omnibus et per omnia, sub quibus terram in Posoga tenentes hactenus deguerent. Ne igitur huius nostre confirmacionis series a quoquam ualeat infirmari, in qua calumpniatoribus via malignandi prouide est elisa, presens priuilegium dupplicis sigilli nostri munimine fecimus roborari. Datum Bude per manus fidelis nostri Magistri A. Prepositi Budensis, aule nostre Cancellarij, anno Domini M°CC° quinquagesimo octauo, tercio decimo kalendas Februarij.
(Eredetie bőrhártyán, a vörös-fejér selyemzsinóron függött pecsét elveszett; a budai királyi kamarai levéltárnak Zágrábban levő osztályában.)