Bela Dei gracia Rex Hungarie, Dalmacie, Croacie, Rame, Seruie, Gallicie, Lodomerie Comanieque Rex omnibus Christi fidelibus, ad quos presens scriptum peruenerit, salutem in eo qui Regibus dat salatem. Virtuosa Regum bonitas subiectos suos quoslibet tanto largiori munere prosequitur, quanto seruicia eorum maiori fidelitatis constancia decorantur, temporumque successio presens gaudere debet beneficijs, que paterne fidei imitatrix est exempli. Proinde ad vniuersorum presencium et futurorum noticiam harum serie volumus peruenire: quod cum dilecti et fideles nostri Fridericus, Bartholomeus, et Seruido (ser Guido) filij Seruidonis Comitis, Comites de Wegla, fidelia patris ipsorum vestigia iugiter imitantes a primeius nostre et eorum puericie annis nobis indesinenter adherentes, tanta fidelitatis seruicia impendere studuissent, vt tempore persecucionis Tartarorum in Partibus nobis Maritimis constitutis, non solum in mari cum nauibus munitis, verum eciam in terra cum armatis, prout temporis necessitas et negocij qualitas exigebat, ad custodiam persone nostre, nec non ad persequendum inimicos et infideles nostros tam fideliter seruierunt et constanter, quod inter alios Regni nostri fideles ex debito fidei meruerunt computari; ad habilitandum fidelitatem eorum, et vt memoria eorum ceteris vigeat in exemplum, heredibus quoque suis proficeat temporibus successiuis, donacionem Comitatus de Modrus, progenitoribus suis per illustrem auum nostrum Belam quondam Hungarie Regem factam, nec non et donacionem Wynodol patris nostri bone memorie, factam patri eorum, prenominatis fidelibus nostris innouantes, conferimus, et tam mera liberalitate donamus, quod si quam donacionem de ipsis Comitatibus, scilicet Wynodoll, et Moddrus, antea fecimus cuiquam, quia promissiones pro eis facte nobis per stipulacionem legitimam, non extiterant seruate, irritam iudicamus et inanem; istamque ratam decernimus atque firmam. Insuper prefati dilecti et fideles nostri Fridericus, Bartholomeus et Seruido filij Seruidonis Comitis Maiestati nostre querulose curarunt proponere, quod in nemore quodam wlgo Gwozd appellato in predicto Comitatu Modrus sito complurima latrocinia et spolia fierent, et in dies invalescerent adeo, quod mercatores stratam communem versus mare Adriaticum transeuntes rarissime memoratum nemus idempnes possent pertransire; supplicarunt Maiestati nostre, quatenus tricezimam, que in Comitatu Modrus Camere nostre exigi solita fuit, eisdem donare eo dignaremur intuitu, quatenus ipsi stratam memoratam tutari, securare, latrunculos euellere et funditus concutere deberent et teneantur; quibus quidem latrocinijs paruis cum expensis paucisque cum stipendiatis minime prouideri quibat. Ceterum priuilegium nostrum, quod Johanni Comiti, et fratribus suis super donacione Comitatuum Wynodoll et Modrus, per dictum auum nostrum Belam, et patrem nostrum Andream, Reges factam, et super confirmacionem priuilegiorum eorumdem recolimus nos dedisse; nec non et priuilegia dictorum progenitorum nostrorum, felicium recordacionum, ad tollendas prolixitates eisdem insertas, super quibus possent imposterum dubietates suboriri; et determinate ponentes in subscriptis, quibus seruiciis ipsi et heredes eorum nobis et heredibus nostris obligati de cetero tenebuntur, presentibus inseri ad cautelam de verbo ad verbum in hunc modum fecimus:
Bela D. gr. Hungarie stb. Rex etc. (következik IV. Béla királynak 1242-ki okmánya, mint fentebb 230. sz. a.)
Item aliud priuilegium Andree Regis patris nostri:
In nomine stb. Andreas stb. Rex stb. (következik II. Endre királynak 1209-ki privilegiuma, mint fentebb 63. szám alatt.)
Nos itaque premissas concessiones dicto Johanni Comiti et fratribus suis, heredibusque et. posteritatibus eorum vniuersis, Comitatus videlicet Modrus et Wynodol in vnum comprehendentes cum omnibus et singulis ipsorum Comitatuum pertinencijs et redditibus, cum prerogatiua nostra, videIicet quod ex ipsis Comitibus et heredibus eorum racione dictorum Comitatuum, dum et quando nos vel successores nostri in Regno Croacie personaliter fuerimus constituti, tamdiu quamdiu moram ibidem fecerimus, vnus ex ipsis personaliter pro posse decenter expeditus, suis duntaxat proprijs in expensis seruiendo nobis assistere debeat et teneatur; demptis eciam et omnino cassatis omnibus et singulis alijs seruicijs et obligacionibus, que in priuilegijs antecessorum nostrorum, et aui nostri Bele, quondam Regum Hungarie continentur, videlicet seruicia cum loricis in Regno et extra Regnum. Banus similiter volumus, vt in judicacione hominum et subditorum Comitatuum predictorum minime se impediat; sed in ipsorum libertare hec omnia et singula deinceps perpetuo transeant, ex plenitudine Regalis gracie nostre confirmamus, ratificamus et roboramus. Insuper precibus Friderici, Bartholomei et Seruidonis Comitum fauorabiliter annuentes, tricezimam supradictam ipsis, et heredibus ac posteritatibus eorum vniuersis iure hereditario donauimus et contulimus perpetuis temporibus possidendam; tali vero paccionis interventu, quod predicti Comites heredesque eorumdem, prefatis latrocinijs ita occurrere debeant et obligentur, quatenus singulis non modo mercatoribus, verum eciam cuiusuis alterius condicionis hominibus per dictum nemus Gwozd tutus et securus pateat transitus; ita quod si - - - - mercatorem vel alterius condicionis hominem spoliari ac bonis suis priuari contigerit; extuuc memorati Comites eorumque heredes ad plenam satisfaccionem ipsis spoliatis (obligentur). In dicto monte infra ciuitatem Modrus, et locum eius montis, in quo quedam capella sita est, presentes in stabilitatem perhempnem concessimus litteras, sigilli nostri dupplicis karactere communitas. Adicientes, quod si quis ex eis sine heredibus decesserit, prelibatorum Comitatuum Wynodol et Modrus donacio, ac aliarum graciarum et libertatum concessio ad alium ex consanguineis integraliter et perpetuo pertinebit. Datum anno Incarnacionis Dominice M°CC°LI°. nonis Aprilis, Regni autem nostri anno sexto (decimo).
(V. István királynak 1270-ki megerősítő okmányából, a budai kir. kamarai levéltárban.)