Nos Dux cum nostro Consilio nomine Communis Veneciarium ex una parte, et frater Jacobus de Turrisellis nuncius domini fratris Guielmi de Sonar, Magistri Domus Milicie Templi, nomine ipsius et dicte Domus ex altera, vobis Procuratoribus Sancti Marci recordationem facimus, quia ponimus vobis in commendacionem duas cartas roboratas et sigillatas concordie inite inter nos Ducem nomine Communis Veneciarum ex una parte, et me fratrem Jacobum ex altera nomine et vice dicti Magistri et Domus Milicie Templi super dampnis datis mercatoribus Venetis, Veglensibus et Arbensibus in civitate Semne (Sennie) olim tempore captionis et combustionis ipsius civitatis, tempore videlicet fratris Rambaldi de Corone, Magistri Hungarici, et ceteris, ut in dicta carta concordie continetur, et quandam literam nostro sigillo munitam, quam nos Dux dirigimus Comiti et Consiliariis Vegle precipiendo per sacramentum, ut fratribus Milicie Templi, qui fugiebant a Tartaris, et Monasterio Sancti Georgii super dampnis datis eisdem per homines Beglie cognoscant et ius faciant tali quidem condictione, quod si ab isto festo Sancti Petri proximo mensis Junii usque ad aliud festum Sancti Petri sequentis eiusdem mensis dictus Magister vel eius successor miserit ac dari et consignari fecerit vobis procuratoribus recipientibus nomine nostri Ducis et Communis Veneciarum cartam seu litteras sigillo Domus Milicie Templi sigillatas, continentes formam dicte concordie, et confirmantes concordiam suprascriptam, et promittentes ipsam attendere et observare et sic solvere, ut in dictis cartis concordie continetur, tunc vos procuratores unam ex dictis cartis et dictam literam dicto Magistro vel eius successori aut eius nuncio, qui dictam cartam seu litteras sigillo Domus Milicie Templi sigillatag apportaverit, dare et consignare debeatis omni occasione remota. Quod si dictam cartam seu litteras non miserit, dederit et consignaverit, ut dictum est, tunc vos procuratores dictas duas cartas et litteram predictam ad voluntatem nostri Ducis nobis dare et consignare debeatis omni remota occasione. Sciendum est, quod ad illum Comitem Vegle ex nomine, qui erit tunc in regimine Comitatus, debent scribi et mitti littere suprascripte nostri Ducis pro cognoscendo et ius faciendo suprascriptis fratribus Templi et Monasterio Sancti Georgii de dampnis datis per homines Beglie.

Datum anno Domini millesimo ducentesimo quadragesimo octavo, die tercia intrante mense madioi indictione VI.

(Ljubics, Monumenta spectantia historiam Slavorum Meridionalium. I. köt. 78. l.)