Nos Comes Nicolaus de Zeech Judex Curie Serenissimi Principis domini Lodouici Dei gracia Incliti Regis Hungarie stb. quod Gregorius dictus Woryu filius Petri de Meger personaliter iuxta continenciam priorum litterarum nostrarum prorogatoriarum in octauis festi Beati Georgij martiris ad nostram judiciariam veniendo presenciam contra religiosum virum dominum Seffridum Abbatem Sancti Martini de Sacro Monte Pannonie in figura nostri Judicij proposuit eo modo: quod ipse dominus Seffridus Abbas quandam particulam terre arabilis Saagteluk vocatam in Comitatu Jauriensi existentem inter villas Saag domine relicte quondam Magistri Deseu Rufi et Kysfolw vocatas Abbatis Sancti Martini de Sacro Monte Pannonia sitam et existentem, eidem per Regiam Maiesatatem collatam occupando detineat, cuius occupacionis et detencionis racionem scire vellet ab eodem stb. Quibus auditis et perceptis Magister Stephanus Litteratus pro eodem domino Seffrido Abbate cum procuratorijs litteris eiusdem exurgendo respondit tali modo: quod ipsa particula terre, quam ipse Gregorius ab ipso domino Rege cum fratribus suis sub hoc nomine Saaghteluk nomine terre Regalis impetrasset, et suam fore diceret, non Saagteluk, sed Saagh vocaretur; et ipsa terra Saagh eidem Monasterio Sancti Martini de Sacro Monte Pannonie vigorosorum instrumentorum titulis ab antiquo pertinuisset, et nunc pertineret stb. Et ibidem ac in instanti in suorum verborum corroboracionent quasdam duas litteras priuilegiales, vnam Serinissimi Principis domini Andree stb. (l. 180. sz. a.) et aliam Magnifici viri domini Dyonisij olym Palatini et Comitis de Zonuk anno Gracie M°CC° trice simo septimo confectas nobis presentauit stb. In alterius, scilicet ipsius domini Dyonisij Palatini littere tenore seriose habebatur; quod cum quidam de populis Ecclesie Sancti Martini de Sacro Monte Pannonie, sedecim videlicet mansiones cum filijs et cognatis eorum, quorum nomina essent hec: Votha cum filio Woch nomine, Pousa cum filijs, Nuhu cum filijs, Chepan, Martonus cum fratre suo nomine Grew et filijs, Chede cum fratre suo nomine Paulo, Zomboth, Chaba cum tribus fratribus, Benche cum filijs Ponta, Andrea, Vrsaw, et alij cognati eorum de villa Saagh se ab ipsa Ecclesia alienassent; dominus Wrias Abbas pater venerabilis prefate Ecclesie, accepto ab eodem Dyonisio Palatino pristaldo, ad eiusdem Dyonisij Palatini presenciam citasset proponendo contra eos, quod tam ipsimet quam terra eorum in jus cedere deberent prefate Ecclesie, et malicia concepta a jurisdiccione ipsius Ecclesie subtraxissent se, colla sua vltra jus et licitum erigentes. Ad hoc predicti homines respondissent: quod cum quondam essent liberi, et terra eorum libera a potestata eiusdem Ecclesie, se spontanea voluntate cum sua terra Ecclesie iam dicte subiugassent. Auditis ergo partis vtriusque allegacionibus idem Dyonisius Palatinus tale fecisset judicium: quod si officialis Ecclesie supradicte nomine Ibrahymus prestaret sacramentum, predicti homines in pristinum redigerentur officium. Cum ergo ad locum statutum predictus Ibrahymus in die assignato prestiturus iuramentum accessisset, prefati homines adstantes ipsum adiurari non permisissent, sicut eidem Dyonisio Palatino per relacionem sui pristaldi, et eorundum hominum assercionem constitisset euidenter. Nam coram ipso domino Palatino constituti vnanimiter proclamassent, tam suas personas, quam et terram, quam liberam esse asseruissent, jurisdiccioni prefate Ecclesie pertinere, et in hoc se penitus esse culpabiles, quod se a suo officio subtraxissent debito. Hys itaque taliter gestis, prefatos homines abrasis capitibus quorundam ex eis cum sua terra Ecclesie supradicte sicut sui juris fuissent, in pristinum suum officium, quo primo annexi extitissent, idem dominus Palatinus per suum pristaldum Dyonisium de Toh de genere Rusd restitui fecisset, racionis simul et judicij regula deposcente stb. Datum in Wissegrad vigesimo die octauarum festi Beati Georgij martiris anno Domini millesimo CCC° quinquagesimo sexto.
(Eredetie bőrhártyán, a pannonhalmi főapátság levéltárában.)