Nos habere debemus annuatim post nostrum introitum in Ducatum a nostris Camerariis nostri Communis summam librarum duarum millia octigentarum denariorum Venetorum quousque in Ducatu steterimus, scilicet per tres quoslibet menses librarum denariorum Venetorum septingentas, et habere debemus 350 romanatos de redditu Comitatus Veglie, et pro regalia eiusdem Comitatus alios romanatos 60 eo tempore annuatim, quo continetur in promissionibus illis, quas Johannes, Vido et Henricus Comites Veglie fecerunt predecessori nostro bone memorie Henrico Dandulo et Communi Veneciarum. De pannis vero ad aurum, qui solent dari nostro predecessori et Beato Marco a dominatoribus Nigropontis, debemus habere in nobis medietatem per particionem et Sanctas Marcus aliam medietatem, s. z. dum poterunt haberi; et habere debemus regalia tam Chersi et Auseri, quam Comitatus Arbe et Ragusii et Sansegi, et honorificencias omnes Histrie, ut habuerunt predecessores nostri.

(Ljubics, Monum. sp. hist. Slav. Merid. I. köt. 46. l.)