057. II. Endre királynak Gorra földet tárgyazó adománya a tapuskai monostor számára. 1205.

Andreas Dei gracia Hungarie Rex, etc. omnibus ad quos litere presentes prevenerint salutem et graciam. Notum esse volumus tam presentibus quam futuris, quod in remedium anime nostre et Dei intuitu terram de Gorra cum omnibus suis appendiciis eo iure et ea libertate, qua nobis tempore Ducatus nostri servire tenebatur, cum omnibus hominibus, servis et liberis Deo et Beate Marie contulimus ad Abbaciam construendam, de Domo Clareuallensi, Ordinis Cysterciensis. Quapropter mandamus et hominibus prefate terre districte precipimus, quatenus dilectis fratribus nostris, presencium latoribus, et Ecclesie Dei devote obediant, et negocia ipsorum fideliter promoveant, et eo iure eisdem serviant, quo nobis consveverant. Quod si non fecerint iram et indignacionem nostram gravissime incurrent. Datum anno Regni nostri primo.

(Tkalcsics, Monum. hist. Episc. Zagrabiensis 17. l.)