In nomine Domini Dei eterni et Salvatoris nostri Jesu Christi. Anno ab Incarnatione eiusdem millesimo septuagesimo secundo, mensis Februarii die octava, indictione XV. Dalmatie et Croatie. Promittentes promittimus nos Prior Spalatine Civitatis, Judex Stephanus Vualiza nomine, atque Gaudinus Tribunus, Dominicus Marra, Joannes Peripanno, Petrus filius Dominici, Desa filius Cocini, aliusque Desa, Michael, Stephanus, Nichiforus, Dominicus Drasi, Forminus Salatus, cum universis nostris concivibus majoribus et minoribus;.nec non et Prior Tragurine civitatis Vitalis nomine, et Petrus Bela, Georgius Bogoboici, Joannes Chudi, Sabaudicius Archidiaconus, Desa, Andrea, Dominicus cum cunctis nostris concivibus maioribus atque minoribus nostre civitatis; atque Candidus Prior Jaderensis civitatis, et Madius Sega Index, Nichiforus Sellices, Tella, Madius Gallus, Dabro Strincia, Joannes Spatarius, Candidatus, Lampridius, Madinus Martini, Valentinus Speri, Andreas Comerrarii, ac universi nostri concives majores atque minores; atque Prior de Belgrado, Justus Veneticus, Gregorius frater Episcopi, Drago de Crastina, Michael de Utica, Prestantius Petrigna Anastasii, Michael de Diachi Vero, atque omnes concives nostre Civitatis; vobis domino Dominico Silvio Duci Venetie et Dalmatie, ac Imperiali Prothofedro et Seniori nostro, at ab hac die in antea, quas nullus nostrum civium audeat adducere Nortmannos aut extrancos in Dalmatiam, aut per se ipsum, vel quovis ingenio. Si quis autem huius sceleris prevaricator inventus fuerit, et se legibus excusare non poterit, amittat vitam suam, et quicquid possidet in hoc seculo, medietatem in Camera Ducis, et medietatem civibus, qua in civitate prevaricator inventus fuerit per Judicem, erga Romanam legem, que in presenti pagina scripta esse videatur in quarto capitulo eiusdem legis: »Quia si quis inimicos infra provinciam invitaverit aut introduxerit, anime sue incurrat periculum, et res eius (inferantur in erarium.)«.

Signum manus Prioris Spalatine Civitatis Stephani Valize, qui hoc rogavit fieri; et successive omnium qui supra nominati.

Ego Laurentius Sancte Salonitane Ecclesie Archiepiscopus ratifico et confirmo.

Ego Forminus Nonensis Episcopus.

Ego Jo(annes) Abbas Sancti Bartholomei.

Ego Prestantius Episcopus Belgradiensis.

Petrus Hencius Sancti Marci Diaconus, et Ducis Venetie Dominici Silvii Capellanus, rogatus a dictis hominibus scripsi et complevi feliciter.

(Ljubics Símon, Monumenta spectantia historíam Slavorum Meridionalium I. köt. Zágráb 1868. 2. l.)