324. Törvénykezési intézkedés Kelednek fiai ellen, kik lopással vádoltattak. Év nélkül.

Damus pro memoria, quod cum nos ex mandato domini Regis vna cum Magistro Benedicto in Comitatu Castri Ferrei fures et malefactores iudicaremus, omnes nobiles, iobagiones castri, hospites castrenses, vdwornici et papuli domine Regine Farcasium (et) Keled filios Keled, et duos seruitores eorundem. Elyam et Ylias fures dixerunt; et filij Wbed specialiter dixerunt, quod haberent litteras Magistri Benedicti super eo, quod coram ipso fuissent idem Farcasius, Keled et seruitores sui conuicti. Vnde nos coram omni populo sedentes in tribunali precepimus, quod si iustos se esse sciunt, compareant secunda feria post octauas Natiuitatis Domini coram nobis et Magistro Benedicto, se si possint purgaturi; alioquin decetero easdem (igy) faciemus proclamari. Datum in castro Ferreo in vigilia Thome Apostoli.

Hátul: Contra filios Keled et suos fures pro filijs Wbet.

(Eredetie bőrhártyán, melynek hátán az oda nyomott pecsét maradványai még megvannak; a nemz. muzeum kézirattárában.)