Damus pro memoria, quod in causa, quam Comes Conradus de Owar feria tercia post quindenam Pentecostes contra Michaelem filium Alberti Comitis habebat toram nobis, per arbitrium proborum virorum se dixerunt taliter concordasse: quod idem Michael pro dampnis et iniurijs Comiti Conrado irrogatis in octauis Sancti Regis Stephani nunc venturis coram Abbate et Conuentu de Cikador reddet et restituet decem et septem boues, vnum equum, ducentos et quinquaginta cubulos de alba farina cum cubulo pabnorum, incursurus penam iudicij, si tunc cessauerit in soluendo. Item in quindenis Sancti Michaelis idem Michael reddet et restituet predicto Comiti Conrado in Conuentu superius annotato similiter decem et semptem boues, vndecim tunellas vini; que si non redderet ipso die, in crastino in duplo teneretur. Ceterum si Comes Conradus in octauis Omnium Sanctorum adductis nouem nobilibus in prenotato Conuentu iurare presumpserit super triginta bobus et tredecim equis contra Michaelem sepius nominatum; extunc idem Michael tenebitur reddere et restituere die ad hoc per ipsum Conuentum annotato. Posthec autem partes in octauis Sancti Nicolai ad responsionem iterato comparebunt coram nobis. Datum Bude feria sexta post festum Sanctorum Viti et Modesti.

Kívül: Memoriale pro Magistro Conrado contra Michaelem filium Alberti.

(Eredetie bőrhártyán, a hátul oda nyomott pecsétnek még meglévő töredékén a király alakjának része látszik még, de a körülirás eltünt; a m. b. Révay család levéltárában.)