Nos Magister Corrardus filius Stephani uobis Comiti Jacobo filio nostro menti assignamus et notamus reuocare: quod Alexander dictus Kubech, frater carnalis Poth Palatini, a domino Andrea Rege istas duas terras Baan et Reugen uocatas suis fidelibus seruicijs acquisiuit et meruit; quas quidem terras sic fuit partitus; terram scilicet Baan Monasterio Beati Jacobi de Lyben assignando, terram uero Reugen sibi et suis heredibus reseruando. Item idem Alexander ab eodem domino Andrea Rege similiter acquirendo villam Olsasun inuenit, quam similiter Monasterio Beati Jacobi Apostoli de Lyben in toto, ut inuenit, condonauit. Quam quidem terram, cum nos a domino Rege Bela ad dominum Regem Stephanum iter habuissemus commorati, Valentinus et Bolosey filij Cogne (?) a domino Rege Bela impetrantes possederant, sed meliorata causa nostra ab eodem domino Rege, inspecto eciam priuilegio donatiuo ipsius terre, per Capitulum Jauriense per Comitem Corradum filium Albey Comitem Jauriensem ipsa terra Olsasun nobis fuit reddita et restituta litteris patentibus eiusdem domini Regis confirmando: litteras patentes cum priuilegio eiusdem terre inuenietis inquirendo, si aliquis fuerit executor aut contradictor; quod fieri posse non speramus. Item istas alteras duas terras Zenthmartun et Zwerk uocatas; quarum vna scilicet Zenthmarton erat cuiusdum iobagionis Castri Musuniensis; nomine Isov; et terra Zwerk, que erat Castri Musuniensis; quarum terrarum quidem domini heredum carentes solacio decesserant, per donacionem domini Regis Bele Suze, et Herbordus socer eius, prout hereditariam possederunt, ijdemque propter suam inopiam et paupertatem ipsas terras vendicioni exponere uolentes, nos eosdem sumus allocuti, ipsosque ad presenciam domini Regis conduximus, ipsasque terras in presencia domini Regis et uoluntate nobis precio et pecunia uendiderunt; super quibus priuilegium domini Regis Bele cum patentibus litteris eiusdem habemus reseruatum. Item medietatem totalem terre Geztenche, que a Magistro Saulo suum post decessum ad manus domini Regis deuenerat, et per dominum Regem Belam Magistro Jacobo filio Mychaelis erat condonata, cuius quidem totalis terre medietas Pangracium et Martinum de Berch tangit et tangebat, nos ab eodem Magistro Jacobo simul eum quadam particula de terra Zenthywan, cuius quidem terre Zenthywan pars ecclesialis, et eciam terre Geztenche pars tenens ecclesiam, magno com parattimus labore et expensa; super quibus terris priuilegium habetur Capituli Jauriensis sic confectum, ut quandocunque mocio nos laboraret super terris memoratis, ipse Magister Jacobus aut sui heredes nos expedire tenentur proprio labore et expensis; et si ipsum priuilegium uobis minime ualere dignosceretur, habetis duo priuilegia reseruata, cum quibus villa Zenthywan cum ecclesiali parte, ac villa Zumbathel prope Guncel erat Chepano auo nostro, et cum altero priuilegio erat Poth Palatino condonata, partem uero alteram, qua ad Castrum cedebat Musuniensem (így), precio comparatam possedimus ut hereditariam usque - - - t terram Rosunfeld, qua est superius Potunscy, inferius Segh; illa nostra est hereditaria, sed tempore Nicolay Palatini filij Barch fuit alienata a - -- - - - sed pater noster auus uester ad nos ut hereditariam reuocauit. Item quedam terra que uocatur Secundus Teluqui prope Corrati, in qua erat Daniel officialis noster cum Petro fratre suo, et Theodorns filius Secundus, qui erat seruiens noster, qui sine herede decesserunt; si aliquis de ipsorum radice ad uos uenerit, et uos petiuerit, super ipsa terra ipsum protegentes teneatis; si uendiderit precio, comparetis ab eodem uel ab eisdem, aut si nullus reperiens audiretur ex ipsis, ipsam terram Secundus Telequi ut desolatam potestis tenere. Item de facto terre, quam Petrus filius Raach uult exequi nomine Pothfolwa, sed primo Lod - - feldy uocabatur; de ea sic scire debetis, quod ipsam terram que Byssenorum erat, et sine herede decesserunt, Poth Palatinus a domino Rege Andrea postulans pro quibusdam seruicijs acquisiuit propter probitatem Raach, qui ad ipsum Poth Palatinum erat ydoneus, quandam particulam metis distingendo in ipsa terra donauerat perpetuo possidere, et residuum terre ipsius ipsi Poth Palatino per detencionem ip sius Raach perpetuauerat. Jam cum hijdem Bysseni sine herede decessi essent, et ipsa terra fuisset diu desolata, Petrus iam filius Raach ipsam terram Pothfolwa pro dote cuiusdam sororis sue perquireret, que quidem terra nec nostra est nec ipsius; vnde pari voto cum eodem Petro alloquentes facta diuisione cum eodem in tota illa potestis partiri cum eodem et perpetuo possidere. Sic uadit de terra Pothfolwa siue Chedusfeldy supradicta.

(Eredetie bőrhártyán pecsét nélkül a m. b. Révay család levéltárában.)