287. Miklós országbiró meghagyja a veszprémi káptalannak, hogy Lőrintei Gabirian fiait intse, miszerint Ajkai Ajkának Karachin nevü szökevény szolgáját kiadják. Év nélkül.

Viris discretis et honestis amicis suis Capitulo Wesprimiensi N. Judex Curie domini Regis et Comes de Gecke inclinacionem cum honore. Cum Karachinus seruus Ayka fili Stephani de Ayka ab eodem domino suo fugitiue recesserit, et unum equum ipsius Ayka, ac completa arma militaria, cum alijs quibusdam rebus suis abduxerit, et nunc idem Karachinus in domo filiorum Gabiriani de Leurente manere dicatur petimus vestre discrecionis amiciciam diligenter, quatenus detis hominem uestrum fidedignum pro testimonio, coram quo Emiricus de Deuecher, homo domini Regis, recipiat et inpediat dictam pecuniam apud eosdem filios Gabiriani per predictum Carachinum abductam, et statuat bonis fideiussoribus; nichilominus predictos filios Gabiriani contra Aykam ad Regiam citet Presenciam ad terminum competentem, et dictum Karachinum cum pecunia abducta committat dictis filijs Gabriani ad statuendum coram domino Rege in termino ipsis assignato; posthec diem citacionis, et terminum, ac nomina citatorum, cantitatem pecunie cum sua serie domino Regi rescribatis. Datum Bude in octauis Sancti Georgij.

Kivül: Capitulo Vesprimiensi.

(Eredetie bőrhártyán, a zárpecsét elveszett; közölte Thaly Kálmán.)