Excellentissimo Domino suo domino Andree Dei gracia Illustri Regi Hungarie, frater Nicolaus Magister Domus Hospitalis et Conuentus Cruciferorum Ecclesie Sancti Regis Stephani de Strigonio oraciones in Domino. Nouerit Vestra Regia Celsitudo, litteras Comitis Martini Viceiudicis Curie uestre nos recepisse sub hac forma:

Viris religiosis stb. Magistro et Cruciferis Monasterij Sancti Regis Stephani de Strigonio Comes Martinus Viceiudex Curie domini Regis stb. (következik Márton comes alországbirónak 1300. parancsa mint fentebb.)

Nos autem peticioni eiusdem Comitis Martini Viceiudicis Curie vestre satisfacere cupientes nostrum hominem fidedignum nomine Petrum clericum cori nostri ad sciendum et inquirendum de premissis duximus destinandum. Qui postmodum ad nos reuersus de omnibus et singulis premissorum facta diligenti et fideli inquisicione, se sciuisse hec annotata infra presentibus nobis oretenus est confessus: quod in festo Sancti Laurencij proxime nunc elapso ex adduccione eiusdem Michaelis, prout homo noster super hoc scire potuit veritatem, 407predictus Magister Chak filius Petri Palatini cum sua familia, et cum familia Magistri Mathei fratris sui, et una cum ipso Michaele filio Mauricij et suis seruientibus, et cum seruientibus eiusdem Lorandi de Kezeu subito mane adueniens, cum multitudine armatorum villam eiusdem Magistri Nicolai Roduan nuncupatam destruxisset, et bonis omnibus spoliasset, quadringentos boues et vaccas mixtim, sedecim equos, mille capras et oues, et ducentos porcos recipiens in eadem, pariter cum omnibus bonis et rebus scrinialibus et domesticis hominum de eadem, preter wlnera duorum hominum et vnius mulieris, qui tunc extiterunt eciam wlnerati; prout tamen idem homo noster super hoc potuit edoceri. Item in eodem festo Sancti Laurencij idem Magister Chak filius Petri destruxit villam eorundem Chak et Zuard Kysseukorua nuncupatam, centum et viginti boues et vaccas mixtim, decem equos, quinquaginta oues et capras, et sexaginta porcos, et omnes res domesticas et scriniales populorum recipiens in eadem. Finaliter ex adduccione eiusdem Michaelis, in quibus tamen omnibus premissorum, si ydem Lorandus consilium habuerit, id noscitur; sed sui seruientes interfuerunt destruccioni et spolio prenotatis, quemadmodum est premissum. Idem uero Michael se fecisse et procurasse premissa fieri publice in illa patera se iactasset; sicut circa hoc homo noster potuit informari. Datum in uigilia Beati Bartholomei Apostoli.

Kívül: Domino Regi inquisitoria pro Magistris Nycolao et Zuard et Chak contra Lorandum et Michaelem filium Maurici Bani ac Chak filium Mathei.

(Eredetie bőrhártyán, a zárpecsét elveszett, a budai kir. kamarai levéltárban.)