Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore 395presencium volumus peruenire, quod Ladizlao filio Andree filij Bedek, et Petro ac Stephano filijs Thome filij eiusdem Bedek de Harnadnempty ex vna parte, ab altera vero Laurencio et Bartholomeo filijs Ladizlai pro se, et pro Nicolao fratre ipsorum coram nobis personaliter constitutis, per ipsos Ladizlaum filium Andree et filius Thome propositum extitit, quod quandam particulam terre de dicta terra eorum Harnadnempty, scilicet de porcione eorum jure hereditario ipsos contingente, ad vnum aratrum sufficientem, quam prius iuxta formam litterarum nostrarum memorialium eisdem filijs Ladizlai pro septem marcis denariorum pignori exposuerant, cum vniuersis vtilitatibus suis, metis infrascriptis ab alijs partibus eiusdem porcionis ipsorum separatam, et specialiter cum quadam sessione iuxta magnum portum fluuij Harnad a parte orientali existentem, pro eadem summa pecunie vendidissent et tradidissent dictis filijs Ladizlai sibi et suis heredibus heredumque suorum successoribus perpetuo possidendam et habendam. Insuper obligarunt se dictus Ladizlaus filius Audree et filij Thome supradicti et heredes ipsorum predictos filios Ladizlai et heredes eorundem vniuersos ab omnibus racione eiusdem particule terre inpetere nitentibus defendere et expedire proprijs laboribus et expensis. Mete autem eiusdem particule terre, prout partes coram nobis recitarunt, hoc ordine exprimerentur: quod prima meta incipit super quadam sessione sita a parte orientali iuxta fluuium Harnad; inde egreditur ad eandem plagam, et eundo iungitur quoddam pomerium, de quo transeundo per prata venit ad quoddam berch, de quo eundo iungit quandam arborem piri pro meta assignatam, et eundo de eadem venit ad metas finales, et predicte mete eandem particulam terre separarent a parte orientali; a parte autem meridionali que separant, essent hee: quod prima meta incipit super metam terminalem; inde egreditur ad occidentem, et eundo directe iungit fluuium Harnad predictum; et in quodam loco per meatum aque, qui fok dicitur, cadit in ipsum fluuium Harnad, et contra metam eandem eundo iungit iterato prefatam sessionem, et ibi terminatur. In cuius rey testimonium ad instanciam parcium presentes contulimus sigilli nostri munimine roboratas, presentibus tamen Magistro Johanne Lectore, Mykou Custode, Magistro Johanne de Hewes, 396Alberto de Borswa, Simone Noui Castri Archidiaconis, et alijs multis; anno Domini M°CCC°. Regnante Andrea Illustri Rege Hungarie, Gregorio Electo Strigoniensi, Johanne Archyepiscopo Colocensi; et domino nostro venerabili patre Andrea Dei gracia Episcopo Agriensi existentibus.

A B C

(Eredetie bőrhártyán, melyről a pecsét selyemzsinóron függ; a budai kir. kamarai levéltárban.)