240. Esztergam város hatóságának bizonyságlevele, hogy Kővér Tamás kereskedő elzálogitott házait a zálogösszeg fejében tulajdonul átengedte az esztergami káptalannak. 1299.

Comes Stephanus Judex, Comes Philipus, Gyletus, Pascha, Gerletus, Walterius, Frankyrius, Gyletus mercator, Geyan filius Mauricij, Petrus filius Gekmerij, Ladizlaus paruus, Nicolaus filius Rubini, et Dominicus filius Cheen Jurati, 366ceterique Ciues de Strigonio, omnibus Christi fidelibus, presentibus pariter et futuris, presens nostrum priuilegium inspecturis, salutem in salutis largitore. Ad uniuersorum noticiam harum serie uolumus peruenire, quod quia Thomas pinquis, mercator Venetensis, dilectus socius et amicus noster specialis, iuxta continenciam aliarum litterarum nostrarum, a honorabili Capitulo Strigoniensis Ecclesie quasdam domus suas et cameras infra nominandas; videlicet vnam ioxta uicum, de uico Latinorum ducentem ad Sanctum Nicolaum, et aliam cum domibus et curia ioxta alium uicum de eadem contrata Latinorum adiacentem ad uicum Sancti Martini ad partem septemtrionis, item quoddam pallacium suum iuxta locum fori in terra eiusdem Capituli ab eadem parte septemtrionis, cum curia et edificijs in eadem habitis, cuius quidem pallacij et curie longitudo facit triginta sex mensuras cubiti wlgariter reyf dicti, latitudo uero viginti tres; item quoddam pallacium suum ioxta paruum Danobium circa curiam domine Mariga, pro ducentis et quindecim marcis inpignoratas, seu inpignorata nostris litteris mediantibus, vt premisimus; reddimere non potuit, neque valuit pluribus terminis et inducijs, ad nostram supplicationem per idem Capitulum eidem assignatis; ideo dedit idem Thomas, cum Nykolao filio suo, et Gegmerio consobrino suo, absque omni impedimento, de permissione omnium vicinorum earundem domorum et curiarum, cum omnibus fructibus et utilitatibus earundem, secundum libertatem nostre Ciuitatis, iure perpetuo coram nobis pro dicta pecunie quantitate eidem Capitulo possidenda, tenenda et habenda; ipsum Thomam et suos posteros in vineis eorum pacifice reliquerunt permansuros. In cuius rei memoriam et perpetuam firmitatem ad peticionem parcium presentes concessimus litteras, sigilli nostri munimine roboratas. Datum et actum anno ab Incarnacione Domini millessimo ducentesimo nonagesimo IX°., in festo Annunciacionis Beate Virginis Gloriose.

(Az eredeti után Knauz Nándor, Magyar Sion III. köt. 949.)