Conuentus Monasterij Sancti Egidij de Symigio omnibus Christi fidelibus presentibus pariter et futuris salutem in omnium saluatore. Ad vniuersorum noticiam tenore presencium volumus peruenire: quod Johannes filius Elie de Feyrighaz ab una parte; Paulus filius Andree, et Adrianus filius Stephani de eadem, ex altera; coram nobis personaliter constituti, idem Johannes confessus est viua uoce, ut totam porcionem suam in terra seu iu possessione in Feyrighaz et in Tykus existentem; a cognatis suis in diuisione ipsum contingentem, metis antiquis et terminis separatam, prout partes asseruerunt, cum omnibus utilitatibus suis et pertinencijs, uendidisset Paulo et Adriano, predictis cognatis suis, pro viginti 361marcis plene receptis, sicut dixit, ab eisdem in denarijs, eis et eorum heredibus, heredumque suorum successoribus, perpetuo et irreuocabiliter possidendam. In cuius rei memoriam et perpetuam firmitatem ad peticionem partium presentes eisdem concessimus litteras, sigilli nostri munimine communitas. Datum in quindenis Sancti Georgij martiris, anno Domini M°CC° nonagesimo nono. Viro religioso fratre Paulo Abbate Prelato nostro, Abraham Decano, Blasio Custode, Nycolao Cantore, Mychaele Celerario, ceterisque fratribus, ibidem existentibus.

(Az eredeti után Knauz Nándor, Magyar Sion III. köt. 950. l.)