Capitulum Budensis Ecclesie omnibus quibus presentes ostenduntur salutem in salutis largitore. Ad vniuersorum tam presencium quam futurorum harum serie volumus peruenire (noticiam), quod Symon et Thomas Magistri filij Comitis Michaelis filij Folcus pro se et pro evdem patre eorum, et Petra absente fratre ipsorum cum procuratorijs litteris Capituli Vachyensis; 346item Nicolaus et Vechlow filij Nicolai filij Leustachij pro se, Thoma, Desew, Pethew et Benedicto filijs suis cum litteris eiusdem Capituli Vachyensis plenum continentibus mandatum; item Johannes filius Symonis filij Symonis Bani pro se et pro Stephano filio suo; item Nicolaus filius Zoluch pro se et Johanne fratre suo cum ratihabicione litterarum dicti Capituli Wachyensis ab vna parte; item Magister Farkasius filius Comitis Folkus frater eorundem patruelis, Johannes et Thomas filij eiusdem pro se, Michaele, Nicolao, Petro, Stephano, Leustachio et Blasio fratribus suis similiter cum litteris procuratorijs Capituli Vachyensis antedicti ab altera coram nobis constituti propria in persona, ijdem Symon et Thomas Magistri et filij Zoluch memorati in vniuersis causis eorum, quas super diuisione possessionum suarum hereditariarum Liberche, Procha, Grab et Zalathna vocatarum; item Nicolaus et Vechlow cum fratribus suis memoratis; et Johannes filius Symonis cum Stephano fratre suo, simulcum Magistro Symone et Thoma et filijs Solonch super facto aliarum possessionum Stephani Rymoch, Gych et Almas vocatarum contra ipsum Magistrum Farkasium fratrem eorum et filios eiusdem annotatos mouerant et mouere intendebant, ob uinculum fraternitatis et mutue dileccionis pro eo maxime, quod quia ijdem Symon et Thomas Magistri ac filij Zolouch antedicti in prenotatis possessionibus perpetuam diuisionem per Comitem Michaelem et Zolouch patres ipsorum ac Magistrum Farkasium factam fuisse et extitisse sciuerunt, et instrumentis exinde confectis fide uiderunt oculata; se dixerunt renunciasse et eciam renunciarunt coram nobis omnes causas seu lites, quas racione premissa contra Magistrum Farkasium et filios eiusdem supradictos suscitassent vel suscitare potuissent in futurum ob uinculum perpetue pacis obseruandum, sedatas esse voluerunt et omnino sopitas; quasdam possessiones de predictis possessionibus scilicet Scechen, Rimoch, Gych et Almas vocatas cum omnibus vtilitatibus suis et pertinencijs vniuersis ipsi Magistro Farkasio et per eum suis heredibus heredumque suorum successoribus perpetuo quiete pariter et pacifice relinquendo et pariter resignando, retrahendo omnino manus suas et suorum successorum a dominio ipsarum possessionum dicto Magistro Farkasio et suis successoribus 347relictarum. Et vt iurgia seu lites tollantur e medio, voluerunt et se mutuo partes obligarunt, vt si qui ex ipsis uel ipsarum heredibus super premissis possessionibus aliqualem litis materiam suscitarent, omnino pro conuicto haberentur ipso facto. In cuius rei memoriam perpetuamque firmitatem ad peticionem parcium presentes litteras concessimus sigilli nostri robore communitas. Datum per manus discreti viri Magistri Pauli Ecclesie nostre Lectoris anno ab Incarnacione Domini millesimo CC° nonagesimo nono. Presentibus Johanne Cantore, Gregorio Custode, Stephano Decano, ceterisque Canonicis in Ecclesia nostra Deo famulantibus.

(Szepesi Jakab országbirónak 1379-ki oktávás átiratából, a budai kir. kamarai levéltárban.)