218. VIII. Bonifácz pápa Jakab jadrai érseknek engedélyt ad, hogy megyebeli papjaitól adakozásokat követelhesse az egyházát terhelő adósságok törlesztése végett. 1299.

Bonifacius Episcopus servus servorum Dei venerabili atri... Archiepiscopo Jadrensi salutem et Apostolicam benedictionem. Magne devotionis affectus, quam ad nos et Romanam Ecclesiam habere dinosceris, promeretur, ut ad ea, que consonent votis tuis, Apostolice benignitatis gratiam extendamus. 339Cum itaque, sicut asseris, Jadrensis Ecclesia gravibus prematur oneribus debitorum; Nos tuis supplicationibus inclinati, fraternitati tue compellendi auctoritate nostra per te, vel per alium seu alios, Prelatos et personas quaslibet ecclesiasticas, religiosas vel seculares, cuiuscunque ordinis vel conditionis existant, Cathedralis et aliarum Ecclesiarum, Monasteriorum, Hospitalium et Domorum exemptorum et non exemptorum Jadrensis Civitatis et Diocesis per censuram ecclesiasticam, appellatione remota, ad exhibendum tibi moderatum subsidium pro huiusmodi oneribus relevandis. Non obstantibus quibuscunque privilegijs et indulgentiis Apostolicis, per que prelati et persona predicti possent in hac parte quomodolibet se tueri; de quibus quorumque totis tenoribus de verbo ad verbum habenda esset in nostris litteris mentio specialis, plenam auctoritate presentium concedimus potestatem. Datum Anagnie V. nonas Julii, Pontificatus nostri anno quinto.

(Theiner, Vetera Menumenta Slavorum Meridionalium historiam illustrantia I. köt. 117. l.)