199. István comes alországbirónak Korova helység határigazítására vonatkozó törvénykezési intézkedése az esztergami káptalanhoz, Benedek veszprémi püspök és Wech unokái közt. 1298.

Viris venerabilibus et discretis, dominis et amicis suis. Reuerendis Capitulo Strigoniensi Comes Stephanus Viceiudex. Curie domini Regis se totum cum honore. Noueritis, quod cum iuxta formam litterarum Comitis Benedicti quondam Viceiudicis Curie Regie, in quibus tota series iudiciorum eiusdem continetur, venerabilis pater dominus B. Episcopus Wesprimiensis pars actor ex una parte, et Zuard, (et) Chaak Magistri, nepotes Weech, ac Petrus quondam frater eorundum, qui iam decessit, pars aduersa ex altera, super factis terre Koroa uocate, racione cuius contenditur inter partes, in quindenis residencie exercitus domini Regis presentibus duobus testimonijs uestris cum duobus hominibus domini Regis, uidelicet Laurencio magno de Jenew et Cosma de Kubulkuth accedere, et per illas metas, que in priuilegio Bele Regis continentur, ipso priuilegio Bele Regis, item alijs duobus priuilegijs vestris, et tercio priuilegio Conuentus Pilisiensis, per eosdem nepotes Weech inibi exhibitis, reambulare, et de ipsa terra contenciosa cognoscere, si sit intra metas in ipsis priuilegijs per eosdem Zuard et Chak Magistros exhibitis comprehensas ipsa terra contenciosa inclusa nec ne, debuissent; demum ipsis Zuard et Chaak Magistris personaliter pro se et Petro fratre eorum defuncto ab una parte, et Magistro Petro Cantore Vesprimiensi, et eciam Petro filio Ethey officiali ipsius domini. Episcopi pro eodem domino Episcopo cum sufficientibus procuratorijs litteris ut actor ex altera comparuissent iterato coram nobis, exhibuerunt nobis litteras uestras, in quibus comperimus, quod licet ijdem nepotes Weech in ipsis quindenis; residencie exercitus super facto ipsius terre contenciose cum ipsia duobus testimonijs vestris coram eisdem duobus hominibus domini Regis accesserint, et omnia et singula, que in eisdem litteris Comitis Benedicti continentur, fecerint ut debuerunt: tamen quia ipse Comes Petrus officialis domini Episcopi pro eodem domino suo non potuit infirmitate prepedictus inibi comparere, et quidam qui loco sui inibi comparuit, exequi factum domini Episcopi suo modo non potuit, prout in uestris litteris per partes nobis exibitis contineri uidimus; statuimus partibus assumpmentibus, vt ambe partes in crastino festiuitatis Omnium Sanctorum proxime uenturo secundum continenciam ipsarum litterarum Comitis Benedieti presentibus duobus testimonijs vestris coram ipsis duobus hominibus domini Regis accedere debeant secundario super facto ipsius terne Koroa contenciose, et omnia illa, que in ipsis litteris Comitis Benedicti continentur et uidimus contineri, exequentur ad plenum, nichil penitus de continencia earundem diminuentes uel augentes. Post hec partes in octauis Omnium Sanctorum compareant coram nobis seriem tocius facti in litteris uestris exhibentes, et in ipsis octauis Omnium Sanctorum idem dominus Episcopus ante omnia soluet iudicium pro eo, quia in ipsis quindenis residencie exercitus ad ipsius terre contenciose factum personaliter non accessit, nec legitimus procurator suus inibi comparuit pro eodem. Datum Bude septimo die vicesimi secundi diei residencie exercitus anno Domini M°CC° nonagesimo octauo.

Kívül: Amicis suis Capitulo Strigoniensi pro Zuard et Chaak Magistris contra Episcopum Wesprimiensem ad factum terre Koroa ad crastinum festiuitatis Omnium Sanctorum et ad octauas Omnium Sanctorum ad Judicem.

(Eredetie bőrhártyán, a zárpecsét elveszett; a budai kir. kamarai levéltárban.)