Andreas Dei gracia Vngarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus, ad quos presentes peruenerint, tam presentibus quam futuris, salutem in omnium saluatore. Ad vniuersorum noticiam harum serie volumus peruenire: quod Comes Thomas de Draa coram nobis comparendo contra Michaelem filium Folkus, Magistros Symonem et Thomam ac Pethew filios eiusdem personaliter astantea, egit in figura Judicij coram nobis; quod ijdem Comes Michael et filij sui aut redderent et relinqueret possessionem ipsius hereditariam Pehchan uocatam, quam quondam Nycolao Archidiacono Neugradiensi et Botond fratri eiusdem vendiderat, aut darent sibi pro eadem simile concambium. Ad quod Comes Michael et filij sui prefati obicientes similiter per formam Judicij, habito consilio cognatorum et amicorum suorum, dictam possessionem Pehchan ipsius Comitis Thome, eidem et filijs suis, tanquam jus eorum hereditarium reliquerunt coram nobis pacifice et quiete; in contrarium prefatus Michael et filij sui dictum Comitem Thomam, qui tam pro se, quam pro omnibus filijs et cognacionibus suis cum euidentibus procuratorijs litteris Capituli Waciensis astabat, Stephanum filium Aba, qui similiter tam pro se quam pro filijs suis, Stephanum filium Mycov, qui pro se et pro Buzow fratre suo similiter coram nobis cum procuratorijs litteris Capituli Budensis iuxta eundem Comitem Thomam cognatum ipsorum astiterant, licet non inuiti nec citati, similiter per formam judiciariam requiaiuerunt, si ipsi contra eosdem Comitem Michaelem et filios suos super alia terra Pehchan, quam quondam Comiti Mycow filio Detricy, Dedach, Mycow frater ipsius, Paulus et Hunth de Strogea mediante priuilegie Capituli Budensis, es permissione et bona voluntate eiusdem Comitis Thome vendiderant; haberent aliquam accionem contra ipsos, nec ne? Qui scilicet Comes Thomas et omnes alij prenominati cognati sui, tam pro se quam pro filijs eorundem dixerunt quod super ipsa alia possessione Pehchau nullam accionem haberent contra eosdem Comitem Michaelem et filios suos, sed eandem aliam possessionem Pehchan cum vtilitatibus suis et pertinencijs vniuersis, specialiter cum locis molendinorum, nominatim cum loco illius molendini, quod in meta illius terre in fluuio Ipul esse dicitur, cum omni dimidietate siluarum, que dimidietas est a parte seu uicinitate terra Halaz, et dimidietate nemorum, sine aliqua causa pure et simpliciter reliquerunt Comiti Michaeli et filijs suis prefatia perpetuo possidendam, prout eciam secundum formam patencium litterarum Comitis Martini quondam Vicejudicis Curie nostre dimiserant et reliquerant. Quarum patencium litterarum ipsius Comitis Martini Vicejudicis tenor talis est:
Nos Comes Martinus Vicejudex Curie domini Regis memorie commendantes significamus stb. (következik Márton alországbirónak 1295- ki ítéletlevele, mint fentebb 128. sz. a.)
Preterea Comes Thomas prefatus similiter pro se et pro filijs suis, Stephanus filius Aba pro se et filijs suis, Stephanus filius Micow pro se et pro Buzow fratre suo ad interrogacionem prefatorum Comitis Michaelis et filiorum suorum eodem modo judiciario ordine terram septuaginta jugerum, quam idem Comes Thomas eidem Comiti Michaeli et filijs suis a Nicolao Archidiacono et Bothond fratre auo mediantibus litteris Capituli Strigoniensis conparauerat de terra eorum Pehchan nominata, reliquerunt Comiti Michaeli et filijs suis perpetuo possidendam, secundum formam litterarum Capituli Strigoniensis iam dictarum. Quarum litterarum Capituli Strigoniensis tenor hic est:
Nos Capitulum Strigoniensis Ecclesie stb. (következik az esztergami káptalannak 1281-ki bizonyságlevele, mint gyüjteményünk IX. vagyis a második folyam IV. kötetében 306. lap.)
Ceterum idem Comes Thomas se et suos filios, nec non prenominat cognati sui singulariter similiter pro filijs et fratribus eorum, obligauerunt se, quod de cetero nunquam aliqualem mouere possent litis questionem super hoc, nec aliquas litteras in hac causa processas maliciose reseruare; si quas autem reseruarent, casae essent et inanes, in hoc negocio ulterius perpetuum silencium super se assumpmentes. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas. Datum per manus venerabilis patris Anthonij Dei gracia Episcopi Chanadiensis aule nostre Cancellarij dilecti et fidelis nostri, anno Domini millesimo ducentesimo nonagesimo octauo, Regni autem nostri anno octauo.
(Eredetie bőrhártyán, a sárga-vörös selyemzsinóron függött pecsét elveszett, a budai kir. kamarai levéltárban.)