189. III. Endre király Guthkeled nemzetségbeli István mestert és népeit Valkó megye főispánja és comes curialisának bírói hatósága alól felmenti. 1298.

Andreas Dei gracia Vngarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris presens scriptum inspecturis salutem in eo qui est vera salus omnium. Regalis Sublimitatis inmensitas fideliter sibi famulantes suo munere prosequitur gracia ampliori, vt ceteri eorum exemplo inuitati ad fidelitatis opera vehemencius accendantur. Proind: ad vniuersorum noticiam harum serie volumus peruenire quod attendentes fidelitates et seruiciorum merita Magistri Stephani filij Comitis Michaelis de genere Guthkeled fidelis et familiaris juuenis nostri, que idem nobis a tempore coronacionis nostre ex conspicuis suis actibus multipliciter diuersis clarens meritorum uirtutibus in omnibus et singulis expedicionibus Regni nostri fideliter exhibere curauit et deuote, tunc specialiter cum exercitum mouissemus contra dominum Albertum eo tempore Ducem Austrie et Styrye, inimicum nostrum specialem, nunc autem Regem Romanorum Semper Augustum, patrem nostrum karissimum, idem Magister Stephanus se diuersis fortune casibus submittendo nobis cernentibus opus consueuit (így) uirtutis non deserens, dimicando laudabiliter obsequium exercuit graciosum; vtpote miles strenuus subtus castrum Vyenne, aduerse partis videlicet acie Theutonicorum inpetum non formidans, nec multitudinem hotium expauesscens, letaliter extitit wlneratus. Item cum Rolandus Woywada et fratres sui filij Thome contra nos processissent ausu themerario, et eorum castrum Adrian nuncupatum faceremus expugnari, idem Magister Stephanus consueta fidelitate sub eodem castro Adrian wlnera letalia recepit super se. Nolentes ipsius Magistri Stephani meritoria obsequia sine beneficio remuneracionis pertransire; de benignitate Regia, licet amplioribus et pocioribus dignus remuneracionibus fuisset; tamen ad memoriam futurorum et in reformacionem ceterorum hanc graciam specialem eidem Magistro Stephano, et per eum suis heredibus duximus faciendam: quod quia idem Magister Stephanus assiduis suis querimonijs nobis recitabat, quod populi seu yobagiones ipsius in suis vniuersis possesionibus residentes, dampna, destrucciones et grauamina quamplurima per judicia et feritates sentenciarum Comitum Parochialium et Curiales Comites eorundem, maxime per Comitem de Wolkow et Curialem Comitem eiusdem sunt perpessi; eundem Magistrum Stephanum, et populos seu yobagiones ipsius vniuersos, congregatos super possessiones eiusdem vniuersas in Comitatu de Wolkow, quam in alijs Comitatibus in Regno nostro Hungarie constitutis, a judicio et jurisdiccione seu potestate Comitis de Walkow et Curialis Comitis eiusdem, ac aliorum Comitum Parrochialium, et in quouis Comitibus Parrochialibus et Curialibus Comitatu existencium pro tempore constitutorum, duximus in perpetuum eximendos. Dantes firmiter in mandatis eisdem Comitibus eorundem, et specialiter Comiti de Wolkou, ut nullus ipsorum predictum Magistrum Stephanum, heredes eiusdem, ac vniversos populos seu jobagiones ipsius contra graciam eidem per nos factam in hac parte de cetero audeat aut presumpmat judicare; sed si aliqis aliquam accionem habet contra ipsum et suos populos seu yobagiones, experiantur in nostri presencia iuris ordine cum eisdem, et per nos iusticiam poterit consequi pleniorem. In cuius rei memoriam perpetuamque firmitatem presentes concessimus litteras duplicis sigilli nostri munimine roboratas. Datum per manus venerabilis viri domini Anthonij Episcopi Chanadiensis aule nostre Vice-Cancellarij dilecti et fidelis nostri auno Domini M°CC° octuagesimo (helyesebben nonagesimo) VIII. Regni autem nostri anno octauo.

(I. Károly királynak 1319. XIII. kalendas Julij „ Magister Michael filius Stephani de Morouth aule nostre juuenis” kérésére kiadott megerősítő okmányából; a budai kir. kamarai levéltárban.)