170. VIII. Bonifácz pápa Jánost jadrai érseket kinevezi trani érseknek. 1297.

Bonifacius Episcopus servus servorum Dei venerabili fratri Johanni Archiepiscopo quondam Jadrensi, in Archiepiscopum Tranensem Electo, salutem et Apostolicam benedictionem. Romani Pontificis etc. Sane dudum Tranensi Ecclesia per obitum bone memorie Philippi Archiepiscopi Tranensis pastoris regimine destituta, nos provisionem faciendam ipsi Ecclesie de Prelato Sedi Apostolice duximus reseruandam, decernentes extunc irritum et inane, si secus super hoc scienter vel ignoranter contingeret attemptari. De ipsius igitur Ecclesie ordinatione sollicite cogitantes, ne prolixioris vacati onis exposita incommodis remaneret, post diligentiam, quam ad preficiendum eidem Ecclesie ydoneam et approbatam personam abhibuimus vigilanter, in te tune Archiepiscapum Jadrensem, quem scientia litterali (litterarum) preditum, virum quoque vite laudabilis, conuersationis placide, morum honestate decorum, discretionis et consilii maturitate conspicuum novimus, noster animus requievit. Intendentes itaque tam gregi dominico, quam Ecclesie predicte salubriter providere, de fratrum nostrorum consilio et Apostolice plenitudine potestatis, te a vinculo, quo tenebaris Jadrensi Ecclesie, absolventes, ad predictam Ecclesiam te transferimus, et concedimus te ipsi Tranensi Ecclesie in Archiepiscapum et pastorem; liberam tibi dantes licentiam, ad eandem Tranensem Ecclesiam transeundi. Quocirca fraternitati tue per Apostolica scripta mandamus, quatenus impositum tibi onus a Domino suscipiens reverenter, curam et administrationem eiusdem Tranensis Ecclesie sic diligenter geras et sollicite prosequaris, quad ipsa gubernatori circumspecto ac fructuoso administratori gaudeat se commissam, ac bone fame tue odor ex laudabilibus tuis actibus latius defundatur, et preter benedictionis eterne premium benivolentie nostre gratiam exinde plenius consequaris, Datum apud Urbemveterem XV. kalendas Julii, Pontificatus nostri anno tertio.

In. e. m. uniuersis Suffraganeis Ecclesie Tranensis,... Archidiacono et Capitulo Ecclesie Tranensis, Clero et populo Ciuitatis et Diocesis Tranensis, et uniuersis Vasallis Ecclesie Tranensis.

(Theiner, Votera Monumenta Slavorum Meridionalium historiam illustrantia I. köt. 114. l.)