154. A pécsi káptalannak bizonyságlevele a Saaghi Benedek mester és Beendi Tamás mester közti, Hidvégh helységet tárgyazó egyenetlenségeknek elintézéséről. 1296.

Nicolaus Prepositus et Capitulum Quinqueecclesiensis Ecclesie omnibus presens scriptum cernentibus salutem in Domino. Ad vniuersorum noticiam volumus peruenire, quod cum Magister Benedictus, filius Comitis Nicolai de Saag; quandam possessionem suam vacuam habitatoribusque destitutam ab antiquo in uno loco ultra Drawam iuxta Karasu situatam certis metis et terminis vndique circumdatam et uallatam Gueredystha uel Hydwygh uocatam aut uocatas, cum omnibus suis utilitatibus, Comiti Thome filio Benedicti de Beend, et domine vxori eiusdem, sorori videlicet sue carnali, eorumque heredibus contulisset, tradidisset in perpetuum, et dedisset, prout in altero priuilegio nostro uidimus contineri: itaque ipso Comite Thoma populos supra hanc terrem suam congregante, ecce idem Magister Benedictus eundem Thomam et omnes iobagiones suos, quos habuit super hac terra, consequencius sepius destruendo aufugauit, eandemque possessionem Gueredystha uel Hydwygh uocatam potencialiter occupauit, percipiendo redditus siue fructus huius possessionis totales quinque annis vel supra iam elapsis. Igitur ipse Comes Thomas eundem Magistrum Benedictum et quosdam seruientes suos pro suis dampnis ad quadraginta marcas judiciarie computatis ad Presenciam Regiam auocasset, siquidem tam super dampnis suis, quamque super facto huius possessionis ab utrisque partibus fuisset longius disceptatum Regio in conspectu. Nichilominus ipso Magistro Benedicto cum suis seruientibus contra Comitem Thomam in pluribus judicijs legitime conuicto, sicut in diuersis paribus litterarum Judicum Curie domini Regis et nostrarum uidimus contineri, namque partibus diucius alterquantibus, et tandem de uoluntate et permissione Regia se compromittentibus in arbitros, secundum quorum arbitrium, videlicet Comitis Kemyn Comitis de Borona filij Comitis Laurencij quondam Palatini; item Comitis Andre filij Petri, Bencench filij Martini, nobilium de genere Budmyr; item Comitis Ornolth filij Ylarij de genere Nempthy; item Mykaelis filij Mykaelis de iuxta Karasu; item Beeka filij Marcelli Comitis de Chythou; item Comitis Petri filij Buchk de Bermen, et Comitis Buryn filij Buryn de Horosthy, Morooth Nigri de Peraw, Jacobi filij Poruzlou, nobilium Comitatus de Barana, aliorumque virorum nobilium comprouincialium, partes concordarunt in hunc modum coram nobis: Scilicet ipse Comes Thomas propter pium cognacionis affectum et amorem benigne condescendens, suum totum dampnum memoratum ad quadraginta marcas per eosdem arbitratores numerando computatum; item totam porcionem suam in supradictis judicijs sibi debitam et debentem ad circa XX marcas similiter per eosdem arbitratores numeratam computatamue, eidem Benedicto cognato suo dimisit plenarie et per omnia relaxauit in perpetuum; ita videlicet, quod si ipse Magister Benedictus nocumentum siue dampnum destruccionemue eidem Comiti Thome uel suis iobagionibus quibuslibet ubicunque de gentibus uel residentibus, et specialiter super possessione memorata intulerit irrogando, uel inferri fecerit quandocunque, extunc idem Benedictus predictas quadraginta marcas racione dampnorum suorum Comiti Thome debitas, et insuper XX marcas racione judiciorum eidem Comiti Thome debitas, ut est dictum, primo citatus per eundem Comitem Thomam in prioryque termino absque strepitu Judicij alicuius, predicto Comiti Thome dare et persoluere teneatur. E contra idem Magister Benedictus filius Comitis Nicolai ibidem in presenciarum astando, sepedictam totam terram, totalemve possessionem nominatam Gueredyscha uel Hydwygh uocatam uel uocatas, cum suis omnibus utilitatibus, et pertinencijs quibuslibet, ac circumstansijs vniuersis, certis metis et terminis vndique circumdatas et uallatas, sicut exprimetur, cum sessionibus, terrys arabilibus, pratis et siluis ad usum octo aratrorum, sicut ex uisu considerari datur, sufficientes, in uno ambitu seu loco ultra Drauam iuxta fluuios Karasw et Welchycha uocatos situatas et adiacentes, per ipsum occupatas, sicut premittitur seriose, remisit et restituit eidem Comiti Thome de Beend cognato suo, et domine uxori eiusdem sorori sue carnali, suisque heredibus, heredumque suorum successoribus et posteritatibus, irrefragabiliter, irretractabiliter, inuiolabiliter et irreuocabiliter iure perpetuo possidendas, tenendas pariter et habendas, nichilque iurys nichilne proprietatis in hys terris et in hac possessione Gueredyscha uel Hydwygh uocatis ipso Magistro Benedicto pro se et pro suis heredibus in futurum reseruante. Idemque Magister Benedictus cessit et renunciauit omni liti sue et accioni, quam forte nunc uel in posterum racione huius possessionis aduersus eundem Thomam mouere potuisset; ymo ipse Magister Benedictus ab omni impetitore racione huius possessionis eundem Comitem Thomam suosque heredes tenebitur expedire et per omnia defensare proprijs laboribus et expensis. Cursus autem metarum huius possessionis seu harum terrarum Gueredyscha et Hydwyg uocatarum, prout homo noster Jacobus sacerdos Ecclesie de villa Poruzlou ad peticionem utrarumque parcium supra faciem ipsius possessionis transmissus per nos, et ad nos reuersus, partibusque presentibus nobis dixit, talis est: Incipiendo scilicet in tribus metis terreis iuxta aquam Malaka dictam erectis, quarum una separat Mykaely filio Symonis, altera Mathye filio Endre, nobilibus de genere Zabou, tercia Comiti Thome sepedicto in commetaneitate terratum eiusdem Mathye uel filiorum suorum, tendit ad partem meridionalem ad duas metas terreas, in quarum una est arbor ilicea ferro consignata vice mete; inde proceditur ad duas metas terreass in quibus sunt arbores ilicis atque pomi; abinde ad duas metas terreas, in quarum una sunt arbores; exinde uaditur ad duas metas terreas; deinde eciam ad duas metas terreas, in quarum una est arbor populea; abhinc uadis ad duas metas terreas; exhinc eciam ad duas metas terreas, in quarum altera sunt arbores, ubi commetaneitas terrarum Mathye terminatur, et incipit tenere commetaneitatem cum terrys Petri Bani Ozyagh uocatis; inde ad duas metas terreas angulares, ubi sunt sex arbores uirgultinorum, quare is uel iste locus uocatur Hotharasth, ubi diuertit ad partem occidentalem ad duas metas terreas erectas iuxta aquam Welchyza uocatam, in quarum altera est arbor piri; in medio huius aque per magnum spacium eundo cum eodem fluuio defluenti in fluuium Karasu caditur in eundem fluuium, ubi commetaneitas terrarum Petri Bani filiorumque suorum terminatur; et incipit tenere commetaneitatem cum terrys Benedicti filij Comitis Nicolai sepedicti de Saagh; itaque per medium huius fluuij Karasu, per cursumque eiusdem in maximo spacio uadendo uenitur ad supradictam aquam Malaka dictam, per quam quidem Malakam eundo uenitur ad priores tres metas principales uel capitales, ibique terminatur. Hoc non pretermisso, quod omnes prenotati conterminales, commetanei et uicini harum terrarum Gueredyscha et Hydwygh uocatarum coram homine nostro predicto huiusmodi collacioni et donacioni ipsius Magistri Benedicti filij Comitis Nicolai de Saagh assensum liberalem et consensum beniuolum attribuentes publice dederunt, eundemque Comitem Thomam et heredes suos in conterminales, in commetaneos et vicinos suos suscipientes receperunt liberaliter et libenter, gratanter et ioconde in perpetuum. In cuius rei memoriam presentes litteras nostro sigillo concessimus roboratas. Actum anno Domini millesimo CC° nonagesimo sexto mense Marcio; Stephano Cantore, Nicolao Custode, altero Nicolao Decano, ceterisque quam pluribus ibidem existentibus. Datum per manus Magistri Galli Lectoris Quinqueecclesiensis.

(Eredetie bőrhártyán, a sárga selyemzsinóron függött pecsét elveszett; a budai kir. kamarai levéltárban.)