112. Jegyzői okmány, mely által Trau város mint azon békesség közvetítőjének kötelezettsége szabályoztatik, mely György Bribiri gróf és Velencze közt megköttetett. 1294.

In nomine Indiuidue Trinitatis Amen. Anno a Natiuitate Domini M°CC° nonagesimo quarto, indiccione septima, regnante domino Andrea Serenissimo Rege Hungarie, et tempore Magnifici et potentis viri domini Georgei de Birberio Ciuitatum Maritimarum Illustris Comitis, die Mercurij VII. Aprilis. Cum dominus Matheus domini Lucij, Sindicus et procurator Communis et hominum Tragurij, vt de ipsius sindicatu constat publico instrumento scripto manu mea subscripti Notarij, procuratorio et sindicario nomine dicti Communis et hominum Tragurij, predicto domino Georgeo Comiti, et pro Communi et hominibus Almissi, nec non pro gente sua, ac subditis fidelibus et districtualibus, se et dictum Commune et homines Tragurij obligauerit; et promiserit Egregio Rogerio Mauroceno Comiti Jadre recipienti et stipulanti nomine et vice domini Ducis Veneciarum, Communis et hominum Ciuitatis eiusdem, nec non habitatorum, fidelium, subditorum et districtualium suorum, de MMM librarum denariorum Venetorum paruorum, occasione treugue facte et firmate inter predictum Georgeum Comitem et dictum dominum Rogerium super quolibet recipienti nomine quo supra. Idcirco predictus dominus Comes Georgeus tam nomine suo, quam nomine omnium subditorum, fidelium et districtualium suorum, et eciam nomine dicti Communis et hominum Almissi, promisit solemniter sine aliqua excepcione juris vel facti, se obligando domino Desse Amblasij Ciuitatis Tragurij Sindico et procuratori Communis et hominum Tragurij recipienti et stipulanti, se facturum et curaturum taliter cum effectu; quod si dictum Commune Tragurij inciderit in dictam penam MMM librarum, et ipsa pena ab ipso Communi exacta fuerit, faciet et compellet illos, qui contrauenerint, ad dandum et soluendum dieto Communi Ttaguri, dictam quantitatem MMM librarum: quod dictum Commune. Tragurij conseruabitur a predictis MMM libris penitus et totaliter sine damno, alioquin ipse dominus Georgeus Comes de suo proprio promisit dicto sindico et procuratori Communis et hominum Tragurij soluere dicto Communi Tragurij predipredictam quantitatem MMM librarum sub pena et obligacione suorum bonorum; et pena soluta vel non, rato manente contractu. Quod instrumentum predictum Georgeus Comes voluit et iussit sigilli sui pendentis munimine roborari.

Actum in castro Clissi in domo domini Georgei Comitis, presentibus Radoslauo olim Domogne de Policia Comite, Slauano et Stanislauo de Birberio seruientibus eiusdem Comitis, et Magistro Benuenuto medico eiusdem domini Comitis, testitibus de hys uocatis et rogatis.

Et Ego Siroctus Petri de Ancona Imperiali auctoritate Notarius, hys omnibus interfui, et rogatus scribere scripsi sic rogatus a dicto domino Comite.

(Lucius, memorie storiche di Trau, 132. l.)